ಒಂದೇ ಮುತ್ತಾ?!

ಎಂದರೆ

ಜೊತೆಗಷ್ಟು ಪ್ರೀತಿ

ಎನ್ನುವ ಪ್ರೇಮಿ

ಕಣ್ಣೊಳಗೆಯೇ

ಕವಿತೆ ಕಟ್ಟುವ ಕವಿ

ಆ ಹೊತ್ತು

ಮನದೊಳಗೆ

ಸಾಸಿರ ಸೂರ್ಯರ

ಮುಂಜಾವು...!

*********

ಹೃದಯ ಹೂ 

ಮಿಡಿಯದೆ ಮುದುಡುವಾಗಲೂ ನೋವಿತ್ತು

ಒತ್ತಿಕ್ಕೊಂಡು ತೇವ ಇಂಗಿ;

ಅದೇನೋ ಆಗಿ ಮತ್ತೆ

ಅರಳಿ ಹೊಮ್ಮುವಾಗಲೂ ನೋವಿದೆ

ಸಡಿಲಿಸುವಾಗ ಮಡಚಿಕೊಂಡ ಪಕಳೆಗಳಲಿ...

26/05/2015

***********

ಕೈ ಹಿಡಿದ ಪ್ರೀತಿ

ಮುತ್ತಾಗಿ ಬಂದಿರಲು

ಎಲ್ಲಿಯೇ ಸುತ್ತಿದರೂ

ನೆನಪಾಗಿ ಕಾಡುವದು

ಗಾಣಕ್ಕೆ ಕಟ್ಟಿದ ಎತ್ತಿನಂತೆ

ಮೋಜಿನಿಂದ ಅಲೆದಲೆದು

ಮತ್ತೂ 

ಅವನಲ್ಲೇ ನಿಲ್ಲುವುದು ಮನಸ್ಸು!..

*******

ಜೀವನ ನಡೆದಂತೆ

ಎನ್ನುವಾಗ

ನಡೆಸಲು ನನ್ನದೇನೂ

ಅಭ್ಯಂತರವಿಲ್ಲ

ನಡೆಯುವಾಗ

ದಾರಿ ತುಸು ಉದ್ದವಿರಲಿ

ಪ್ರೇಮವಾಗಲಿ 

ನಡೆನಡೆದು

ದಾರಿಗೂ ಎನ್ನ ಮೇಲೆಯೇ...

ಈ ದಾರಿ ಭಾರಿ ಕಾಡಿದ್ದು

ಕಾಡುತ್ತಲೇ ಉಳಿಯಲಿ

ಕಾಡು ಮತ್ತು ಹಾದಿ

ಹೂವನ್ನರಸುವ ಸಾಧನವಾಗಲಿ

ಎಂದಿಗೂ...

********

ಹೊಟ್ಟೆ ಬಿರಿಯುವಂತೆ 

ಉಂಡು

ಹಾಸಿ ಹೊದ್ದು 

ಬೆಚ್ಚಗಿದ್ದು

ಮಲಗುವುದೇ ಜೀವನವಲ್ಲವಲ್ಲ

ಬೆವರಿ ಚರ್ಮವು 

ಕಾಂತಿ ಹೊಮ್ಮಬೇಕು

ಬಿಗಿದು ಸನ್ನಿವೇಶಗಳು 

ನಟನೆ ಶ್ರೇಷ್ಠವಾಗಬೇಕು

ಜೀವನ 

ಸುಮ್ಮನೆ ಅನಿಸಿಕೆಗಳು 

ಬದುಕಿನ ಆಟ 

ಅದು ಬೇರೆಯೇ..

22/05/2015