ಆ ದೇವನ ಪಾದಕ್ಕೆ ಅರ್ಪಿಸಿದ್ದ

ಎನ್ನ ಮನೋಭಿಲಾಷೆಯ ಹೂಗಳನ್ನು

ಯಾರೋ ಎಳೆದು

ಹೊಸಕಿ ಬುಟ್ಟುಗೆಸೆದರಲ್ಲ

ಅವರು ತಂದ ಬುಟ್ಟಿಯಲ್ಲೂ

ಹೂಗಳಿದ್ದವು

ನೊಂದು ಹೊರಟೆನಷ್ಟೆ ತಿರುಗಿ ನೋಡದೆ...

17/04/2015

****

ನೀನೇ ಕನಸಾಗುತ್ತಿರುವೆ

ಮತ್ತೆ ಇನ್ನೆಂತ ಕನಸು

ನೀನು ಆಶಿಸುವುದು ಎನಗೆ?!! ...

****

ನೂರು ವರ್ಷಗಳ ಪ್ರೀತಿ ಬೇಡ

ಏನನ್ನೂ ಬಯಸದೆ 

ಸುಮ್ಮನೆ

ಒಂದಷ್ಟು ಹೊತ್ತು

ನಾವು ಅವರಿಗಾಗಿ; ಅವರು ನಮಗಾಗಿ

ಬದುಕಿಬಿಡುತ್ತೇವಲ್ಲಾ..

ಅದಷ್ಟು ಸಾಕು ಉಸಿರಾಡಲು

ಪಡೆಯದಿದ್ದರೂ ದೂರವಿದ್ದರೂ

ತುಂಬಿಕೊಂಡಂತೆ ಹೃದಯ 

ಸದಾ ಹಸನ್ಮುಖಿ ಮನಸ್ಸು

****

ಪದಗಳಲ್ಲಿ ಕಟ್ಟಲಾಗದ

ಪ್ರೀತಿಯಿದ್ದರೆ

ಬಹುಶಃ ಅದಕ್ಕೆ

ಶಬ್ಧವೇ ಇಲ್ಲ..

ಮೌನದ ಕಣ್ಣೀರೇ

ಎಲ್ಲಕೂ ಉತ್ತರ

ಕಳೆದ ರಾತ್ರಿ 

ತುಂಬಾ ಹೊತ್ತು

ನಿಜ ಪ್ರೀತಿಯ 

ಅನುಭವಿಸಿದ್ದೆ.. 

ಒಬ್ಬಳೇ ನಕ್ಷತ್ರಗಳಡಿಯಲಿ..

16/04/2015

****

ದಿನದಲ್ಲಿ ಹೆಚ್ಚು ಕನಸು ಕಂಡು

ಹೆಚ್ಚು ನಿದ್ದೆ ಮಾಡಿದೆ

ಈಗ ರಾತ್ರಿಯ ನಿದ್ದೆ ಕಳೆದಿದೆ

ಹುಡುಕೋಣ ಬಾ

ಸಿಕ್ಕರೆ ನಿನಗೂ ಹಂಚುವೆ!

ನಿನಗೆ ಹೆಚ್ಚಾದರೆ 

ಸಮ ಸಮವಾಗಿ ಹಂಚಿಕೊಳ್ಳೋಣ

ನಿದ್ದೆಯನ್ನು; ಮಿಕ್ಕಂತೆ 

ಆ ನಕ್ಷತ್ರಗಳನ್ನು

ನಿದ್ದೆ ಖಾಲಿಯಾಗಿ ರಾತ್ರಿ ಉಳಿದರೆ!

15/04/2015