ಓ ಚೆಲುವೆ,
ನೀ ನನ್ನ ಚುಂಬಿಸುವಾಗಲೆಲ್ಲಾ
ಕಣ್ಮುಚ್ಚುವೆ ಏಕೆ?
ನಿನ್ನ ಕಣ್ಣೊಳಿನ ನನ್ನ ಬಿಂಬ
ನಾಚುವುದ
ನಾ ನೋಡಬಾರದೆಂದೇ
ಕಣ್ ತೆರೆಯೇ,
ನಾಚಿಸು ನನ್ನನೊಮ್ಮೆ
ನಾಚಲು ಮತ್ತಷ್ಟು ಸ್ಫೂರ್ತಿಗೊಳ್ಳುವಂತೆ,,,
***
ಹಾರೋ ರೆಕ್ಕೆಗಳಿದ್ದರೂ
ಒಮ್ಮೆ ಕೆಳಕ್ಕೆ ಬಡಿದೇ ಮೇಲೇರಬೇಕು,
ಕೆಳಗೆ ಜಗ್ಗಲು ಬದುಕು;
ಮುಂದಿನ ಏರು ವೇಗದ
ಖುಷಿಯೇ ಇರಬೇಕು
***
ನಾ ಆಗಲೇ
ಉರಿದು ಹೋಗಿದ್ದ ಕೆಂಡ
ನಿನ್ನ ಹಿತವಾದ ಗಾಳಿ
ತಂಪೆನಿಸಿತೆನ್ನುವಷ್ಟರಲಿ
ರಭಸದಿ
ನೀ ಹಾದು ಹೋಗುವಾಗ
ಮತ್ತೊಮ್ಮೆ
ಭುಗಿಲೆದ್ದ ಜ್ವಾಲೆ ನಾ
ನಿನ್ನದೇನಿದೆ ತಪ್ಪು
ನೀನೋ ಗಾಳಿ
ನಾನೊ ಬೆಂಕಿ .....
***
ಎದುರಾಳಿ ಎದುರಿನಿಂದ ಬಂದರೆ ಸರಿ
ಬೆನ್ನು ಕಂಡು ಚೂರಿಯಾಗಿ ಬಂದರೆ
ಕೈ ಮುರಿದು ಹಿಂಬಾಲಕನನ್ನಾಗಿ ಇರಿಸಬೇಕಾದೀತು,
ಜೋಕೆ, ಚೂರಿ ಹಿಡಿದ ಕೈಗಳೇ...
***
ನಂಬಿಕೆ ಗಳಿಸುವುದು
ಬಯಸುವುದಲ್ಲ;
ಪ್ರಾಮಾಣಿಕತೆ ವಹಿಸುವುದು
ತೋರ್ಪಡಿಕೆಯಲ್ಲ;
ದೊಡ್ಡವರೆಲ್ಲಾ ಜಾಣರಲ್ಲ
ಚಿಕ್ಕವರು ದಡ್ಡರಲ್ಲ;
ನೀತಿ ಹೇಳುವ ರೀತಿಗಿಲ್ಲಿ
ಮಣೆ ಹಾಕಿ ಅಲ್ಲೇ ಕೂತಿರುವರೂ ಅಲ್ಲ,,,
***
ಮನದೊಳು ಪ್ರೀತಿ ಇದ್ದೆರೆ
ಹೃದಯವು ಕನಸು ಕಾವ್ಯವಾಗಲಿ;
ಅದ ಬಿಟ್ಟು ಮತ್ತೊಂದ ಹೃದಯವ ಬಯಸಿದರೆ
ಬದುಕಲಿ ಪಾಳು ಬಾವಿ ಕಾಣ್ವದು ಹಗಲಲೇ
ಬೀಳು ಬೀಳೆಂದು ಕರೆದು ಕೇಕೇ ಹಾಕುವುದು,,,
***
ನನ್ನದು ಬಲು ನಿಷ್ಠೆ
ನಿನ್ನ ಪ್ರೀತಿಸಲು,
ಹಾಗೆಯೇ ನಿನ್ನಪಚಾರಕ್ಕೆ
ಹಿಗ್ಗಾ ಮುಗ್ಗ ಹೊಡೆದಂತೆ ದೂಷಿಸಲು....
29/03/2014
