ಕನಸಲಿ ಬರುವೆನೆಂದು ಹೇಳಿರುವನು ಚೆಲುವ

ನಾ ನಿದಿರೆಯ ಅಡವಿಟ್ಟು ಕಾಯಬೇಕಿದೆ ಅವನೊಲವ...

***

ನಮ್ಮ ಒಳ್ಳೆತನವನ್ನು 

ಪೆದ್ದುತನ 

ಇಲ್ಲವೇ ದೌರ್ಬಲ್ಯವೆಂದೇ 

ತಿಳಿವರು ಬಹಳಷ್ಟು ಜನ,,,,

ಇಲ್ಲ ತಾಳ್ಮೆಯ 

ಪರೀಕ್ಷಿಸುವರೋ ಕಾಣೆ,,,, 

***

ನಮ್ಮ ನೋವು, ಸೋಲು, ಕ್ಷಣಿಕ ನಲಿವುಗಳನು

ಮನಬಿಚ್ಚಿ ಬರೆದುಬಿಡಬಹುದೀ ಕಾಗದದೊಳು

ನಿರ್ಭಯದಿ; ತುಂಬಿಕೊಳ್ವದು ನಮ್ಮಂತೆ,

ಕಣ್ಣೀರ ಕಳೆದು ನಗುವಾಗ ಕೊನೆ ಪಕ್ಷ

ಎಡವಿದೆದೆಯ ಹೆಪ್ಪುಗಟ್ಟಿದ ನಾಳವನೆಳೆದಂತೆ

ನುಡಿದು ನೆನಪಿಸಿ ಕಹಿಯ ಅವಮಾನಿಸದು,,, 

***

ಪ್ರೀತಿ ಎಂದರೇನು?

ಎನ್ನುವ ನನ್ನ ಪ್ರಶ್ನೆಗೆ

ಹೆಚ್ಚು ಸಲ ಉತ್ತರಿಸಿದ್ದು

ಹೌದು ನೀನೇ,,

ನನ್ನ ಪ್ರಿಯ ಕನ್ನಡಿ,,, 

***

ವಂಚಿಸುವ ಅವಕಾಶಗಳನ್ನೆಲ್ಲಾ

ಅವರಿವರು ದೋಚಿದ್ದಾಗಿದೆ,

ನನಗೇನು ಉಳಿದುದಿಲ್ಲವಷ್ಟೇ

ನನಗೆ ನಾ ಹೊರತು....

***

ಹಿಂದೆ ನೋಡುತಾ ನಡೆಯಬಾರದು ಗೊತ್ತು

ಹಿಂದುರುಗಿ ನೋಡಿದ್ದು ನಿನ್ನ ದನಿಗಲ್ಲ;

ನನ್ನದೇ ಕೆಲ ತಪ್ಪುಗಳ ಕೂಗಿಗೆ,,,,,, 

***

ಅವಳು ಹೆಜ್ಜೆ ಕಿತ್ತಲ್ಲೆಲ್ಲಾ ಮುಳ್ಳುಗಳು ಬೇರುಬಿಟ್ಟು

ತಾಗಲಾರನಂತೆ ವಿರಹಿ ಪ್ರೇಮಿ;

ತಡೆಯಾಗಿ ಅವಳ ಮೊನಚು ಮಾತುಗಳ ನೆನಪು

25/03/2014