ಸನ್ಯಾಸತ್ವವ ಹೊಂದುವ ಮುನ್ನ ಮನಸು

ತೀವ್ರವಾಗಿ ಸಂಸಾರಿಯಾಗಿರುತ್ತದೇನೋ

ಹಂಬಲಗಳೆಲ್ಲಾ ಬೆಂಬಿಡದೆ ಕಾಡಿ

ದೊರೆತ ಅಲ್ಪ ತೃಪ್ತಿ, ದೊರೆಯದ ಮಹಾ ಅತೃಪ್ತಿಗಳಲಿ ಮನವು ಹೊಯ್ದಾಡಿ

ಕಂಗೆಟ್ಟು ದಿಕ್ಕೆಟ್ಟು ವಿಧಿ ಕೈಚೆಲ್ಲಲು

ಆ ಮಹಾದೇವನೇ ಗುರುವಾಗಿ ಗುರಿ ಕಾಯಬೇಕೇನೋ.....

***

ನೀನೆಷ್ಟು ಮುನಿದರೇನು

ನಾ ಉರಿದೇ ಹೋದ ಮೇಲೆ..

***

ಬದುಕು ನೀಡಿದ್ದು ಉಸಿರನು

ಮಿಕ್ಕವನ್ನು ಗಳಿಸಲು ಅವಕಾಶಗಳನು

ಮತ್ತೂ ಸಾಧಿಸಲು ಕೆಲ ಕಾಮನೆಗಳನು

ಇದರ ನಡುವೆ ಪ್ರೀತಿಸಲು ಹಲವನು.. 

ಚಂದ್ರ, ಹೂ, ತಾರೆಗಳ ಕನಸುಗಳು

ಮತ್ತೂ ನೀನು,,, 

ನನ್ನೊಳಗೊಂದು ದಿವ್ಯ ಭ್ರಮೆಯಾಗಿ,,,,,

***

ನಡೆದಷ್ಟು ದಾರಿ ಸವೆಯುತ

ಮೂಡುತ್ತಿದೆ

ಜೀವನಕ್ಕೊಂದು ಚಿತ್ರ 

ಅದು ನೀನಲ್ಲ ನಾನಲ್ಲ

ಹಲವು ಸೊಗಸುಗಳ ಸೋಪಾನ

ಹೃದಯ ದೇವನ ಕೃಪೆಯ 

ಸೃಷ್ಟಿಯೊಳ ಪ್ರೀತಿಸೊ ಮನಗಳದು...

ನಿನ್ನಂಗಳ ನನ್ನಂಗಳದವು...

30/03/2014