ಮನಸು ಕೆಡಿಸಿಕೊಳ್ಳಲು ಹೆಚ್ಚು ದೂರ ಹೋಗಬೇಕಿಲ್ಲ

ಮನಸು ಮನಸಲೇ ಹೆಪ್ಪುಗಟ್ಟಿ ಕಾಲದೊಳು ಮಥಿಸಿಕೊಳ್ಳದಿದ್ದರೆ ಸಾಕು... 

***

ಜಗದೆದುರು 

ನಾ ಚೆಂದ

ನಕ್ಕರಷ್ಟೇ 

ಕಂದ.... 

***

ಪರರನು ಮೀರಿ ದುಡಿಸಿಕೊಳ್ಳುವ ಜಾಣ್ಮೆ

ಸ್ವತಃ ತೊಡಗಿಕೊಳ್ಳುವ ಹಿರಿಮೆಯೊಳಿದ್ದೊಡೆ

ಅಧಿಕಾರ ದರ್ಪವ ತೋರಿ ಜಗ್ಗದಿರೆ

ತಾವೇ ಬಗ್ಗಿ ಬೇಡಿಕೊಳ್ಳುವ ದೀನತೆಯಿರದು...

24/03/2014

***

ದ್ವೇಷವ ಮೀರಿಸೋ ಪ್ರೀತಿಯಿದೆ

ಕಹಿ ಮರೆತು ಬಾಳುವ ಹುರುಪಿದೆ

ವಿಧಿ ಕತ್ತಿ ಹಿಡಿದರೂ ನಾ ಹೂವ ಬಿಡೆನು

ಕೊಯ್ವೆಯಾದರೂ ಎಷ್ಟು ಹೂ,, ?

ಮತ್ತೂ ಅರಳುವ ನಿತ್ಯ ಪುಷ್ಪಗುಚ್ಛವೀ ಜೀವನವು,,,,

23/03/2014