ಕವನ

"ಅನಾಮಿಕ"

ನಡೆವಾಗ ಹೊಂಡಗಳು,

ಓಡುವಾಗ ಬೀಸೋ ದೊಣ್ಣೆಗಳು,

ಹಾರುವಾಗ ಹೆದರಿಸೋ ಗಿಡುಗಗಳು,

ಇವೆಯಾದರೂ,, 

ಕಾಲು ನಡೆದು, 

ಮನವು ಓಡಿ, 

ಹೃದಯ ಹಾರುತಿರೆ,,,

ನೋಡಿದವರು ಚೀರುತ್ತಿದ್ದಾರೆ 

ಅಗೋ ಅಗೋ,, 

ಅತಿಮಾನುಷ, ಮಾಯೆ, 

ದೈವೀಕ, ವೈಞ್ಞಾನಿಕ, ಅನಂತ ನಿಗೂಢ,,,!! 

ಸಾಮಾನ್ಯವ ಅಸಮಾನ್ಯವಾಗಿ ನೋಡಲಿಚ್ಛಿಸುವರು

ತಮ್ಮದೇ ಕಲ್ಪನೆಯೊಂದಿಗೆ ಬುದ್ಧಿವಂತಿಕೆಯ ಸೇರಿಸಿ 

ಹುಟ್ಟನ್ನೇ ಮತ್ತೊಮ್ಮೆ ಹುಟ್ಟಿಸಿಬಿಡುವರು

ಭ್ರಮೆಗಳ ಹೆಣೆಹೆಣೆದು,, 

ಮಾತುಗಳ ನಡುವೆ ಮೂರ್ತವ ತಿರುಚಿ

ಹೇಗಿದ್ದರೂ ನಾ ಅಸಮಾನ್ಯವೆನುವಾಗ

ನನ್ನಂತೆ ನನ್ನನು ಕಾಣಿರೆಂದು 

ಕೂಗಿಕೊಳ್ಳೋ ಊರಿನಲಿ

ನಾನೊಬ್ಬ ಅನಾಮಿಕ.....

28/03/2014