ಮಳೆ ಬಿತ್ತು ಇಂದು,

ನೆನೆದೆ ನಾ 

ನಿನ್ನೇ ನೆನೆನೆನೆದು,

ನಿಲ್ಲದೆ ನಡೆದು ಹೋದ ನಿನ್ನ

ಹೇಗೆ ಮರೆಯಲಿ?..

ಮಳೆ ಹನಿಗಳಲೂ ಹರಿಸಲಾರೆ

ಎನ್ನೆದೆಯ ಕಣ್ಣೀರ,

ಕಾದು ಹೆಪ್ಪುಗಟ್ಟಿದೆ 

ನಿನ್ನ ಕಾಣದೆ...

***

ಉಳಿಸುವುದಂತೂ ನಿಶ್ಚಯ

ಈ ಜೀವದ ಭಾವ,

ಅದು ನಿನ್ನಲ್ಲೋ, ಆ ಅನಂತದಲ್ಲೋ

ಮತ್ತೆಲ್ಲೋ ಒಂದು ಹೂವಿನಲ್ಲೋ

ಕಾಡುವ ನೆನಪಲ್ಲೋ.....

***

ಹಾಯ್ಕು :-)

ಗೌಣವೋ ಸತ್ಯ

ಮಿಥ್ಯ ಕವಿ ಕಲ್ಪನೆ 

ರಸ ಕಾವ್ಯವೋ

***

ಪ್ರೀತಿಸಬಾರದು

ಎಂದುಕೊಳ್ಳುತ್ತಿರುವಾಗಲೇ

ಪ್ರೀತಿಸಿತ್ತು

ಬದುಕು...

****

ಅಂದು ಭೀಷ್ಮನು ಯುದ್ಧ ಸೆಣೆಸಾಟವ ಬಿಟ್ಟ

ಕುರುಕ್ಷೇತ್ರದೊಳು;

ಇಂದಿನ ಸತಿಪಟ್ಟದವಳು ಬದುಕಿನ ಸೆಣೆಸಾಟವ ಬಿಟ್ಟಳು

ನ್ಯಾಯಾಲಯದೊಳು ಭೀಷ್ಮನ ನೆನೆದು,

ತ್ಯಾಗವಾದರೂ ಶೌರ್ಯವಾದರೂ

ಕಾಡಿ ಸ್ಫೂರ್ತಿಯಾಗಬೇಕು ಅಬಲೆಯೆನ್ವ

ಹೆಣ್ಣಿಗೂ ಗಾಂಗೇಯನಂತೆ...

01/03/2014

****

ಬದುಕಿನ ವಸಂತ ಕಾಲವೂ, ಸಂಧ್ಯಾ ಕಾಲವೂ

ರುದ್ರ ರಮಣೀಯ,,

ಅನುಭೂತಿ, ಅನುಭವ, ಅನುಭಾವ

ಚಿರ ಯೌವ್ವನೆ,,

ಕೊನೆಯರೆ ಘಳಿಗೆ ದುಡಿಸಿಕೊಳ್ಳೋ

ಕವಿ ಮನವದು...

28/02/2014