ಪ್ರೀತಿಯೆಂಬುದು
ಅಷ್ಟು ಬೇಗ ಸಾಯದು

ಘಟಿಸಿದ್ದೇ ನಿಜವಾಗಿದ್ದರೆ

ಕೊರಗಾಗಿಯಾದರೂ ಉಳಿವುದು

ಅಳಿಯದೆ; 

ಎನ್ನೆದೆ ನಿನ್ನೆದೆ ಉರಿಯಂತೆ

ಆಗೊಮ್ಮೆ ಈಗೊಮ್ಮೆ ಹೊಳೆದು

ಅಲ್ಲಲ್ಲಿ ಹರಿದು 

ಬಿಸಿ ತಾಗಿ ಮೆರೆದು...


***


ಕವನದಲ್ಲಿನ 

ಮನದ ಹೊಳೆ ಹರಿವೇ 

ಹುಡುಕಾಟ

ಕವಿ ನೀನು, ಕಣ್ಣು ನಾನು

ಓದುವೆ ಓದಿಸು

ಮನದ ಕವನ..


***


ನಾನು ಕವಿಯಾಗಲೇಬೇಕಿಲ್ಲ ಕಪಿಯಾದರೂ ಸಾಕು

ಕವಿ ಹೃದಯದಲ್ಲೊಮ್ಮೆ ಕವನವಾದರೂ ಸಾಕು

ಬದುಕೊಂದು ಕಾವ್ಯ, ಪುಟವೊಂದರಲ್ಲಾದರೂ 

ನಾನೂ ನೀನು ಅಷ್ಟೇ ಆ ಕ್ಷಣದ ಬದುಕು...

17/03/2014