ಕಲ್ಪನೆಗಳೀಗ ನಡೆದಾಡಿವೆ
ನೋಡಲು ನಾನೊಮ್ಮೆ ಇಣಿಕಿದೆ
ಅಲ್ಲಿ ನಾನೇ ಕಂಡು ನನ್ನೇ ಕರೆದಂತೆ
ಸೊಗಸೇ ಇಲ್ಲೆಲ್ಲಾ ನೀನೂ ಬಂದು ಬಿಡು ಎಂಬಂತೆ!!

*******

ಈಗೀಗ ಎದುರುಗೊಂಡ ಎಲ್ಲಾ ಜೀವಿಯೂ
ನನ್ನಲ್ಲಿ ವಿಶ್ವಾಸ ಕಂಡಂತೆ 
ತೋರುತ್ತದೆ;
ಹಿಂದೆಲ್ಲಾ 
ನಾ ಗುಂಪಿಗೆ ವಿಮುಖಳಾಗಿ ನಿಂತದ್ದು
ಈಗ ಗತವಾಗಿ 
ನಾನೂ ಜೀವಿಯೊಳ ಭಾವದಂತೆ 
ಭಾಸವಾಗಿದೆ..

***********

ಯಾರು ಯಾರನ್ನು ಯಾವ ಹಿತಕ್ಕಾಗಿ
ಯಾವ ಯಾವ ರೀತಿಯಲಿ 
ಯಾವ ಬಲೆಗೆ ಹೇಗೆ ಬೀಳಿಸುವರೋ!
ನೆನೆನೆನೆದು....
ಬಲೆಯಿಂದೆದ್ದ ಮರಿ ಮೀನಿಗೆ
ಒಳಗೊಳಗೇ ಮುಸಿಮುಸಿ ನಗು.... 

07/02/2014
**********

ನಿನ್ನಿಂದ ನನ್ನ ಮನಸ ಮುಚ್ಚಿಡಬಲ್ಲೆ
ಆದರೆ ನನ್ನ ಕನಸನ್ನಲ್ಲ
ನನಗೂ ಗೊತ್ತು ನೀ ಹೆಚ್ಚು ಕಾಲ 
ಕನ್ನಡಿಯ ಮುಂದೆ ಗಾಳಿಯೊಳು 
ತೇಲುತ್ತಿರುವೆಯೆಂದು!!

02/06/2014