ಮನಸ್ಸಿಗೆ ತಡೆಯಿಲ್ಲ ಪ್ರವಹಿಸಲು,

ಜಾತಿ, ಲಿಂಗ, ಸಿರಿತನ, ಬಡತನವ ಮೀರಿ

ಜಿಗಿವಂತೆ..

ಆದರೆ ಮನಸದು ಇರುವುದೇ 

ಈ ಎಲ್ಲಾ ಕಟ್ಟುಪಾಡುಗಳ ಆಜನ್ಮ ಬಂದಿಯೊಳಗೆ!!

*****

ಒಂದೊಂದು ಕೋನದಲ್ಲೂ 

ಒಂದೊಂದು ರೀತಿ ತೋರಿಸುವ

ನನ್ನ ಭಾವ ಚಿತ್ರಗಳು 

ಮೋಸಗೊಳಿಸಿವೆ ನನ್ನೇ;

ನನ್ನ ಹುಚ್ಚು ಭಾವಗಳಂತೆ!

*****

ನಡೆದರೂ ದೂರುವ ಕುಳಿತರೂ ಜರಿಯುವ

ಓಡುತಿರೆ ಕಾಲೆಳೆಯುವ ಜನರಿಗೆ

ನಾ ಋಣಿ;

ನಿಲ್ಲಲ್ಲೂ ಅವಕಾಶ ನೀಡದೆ 

ನಿರಂತರ ಓಡಿಸುತ್ತಿರುವ ಅವರ ಮನಸಿಗೂ..... 

*******

ಬಹಳಷ್ಟು ಬಾರಿ ಇಲ್ಲವೇ ಪ್ರತೀ ಬಾರಿ

ನನ್ನ ಹಿಂಬಾಲಿಸಿದ ಮನಸಿಗೆ

ಸಿಗುವುದು ನಾನಲ್ಲ, ನನ್ನ ಮನಸೂ ಅಲ್ಲ

ನನ್ನ ಕಲ್ಪನೆಗಳ ರಾಶಿ ಆಯಾ ಕಾಲದವು!!

03/02/2014