''ನನ್ನ ಛಾಯೆ''

ಅವಳು ನನ್ನ ಛಾಯೆಯೇ ಆಗಿದ್ದ ಜೀವದ ಗೆಳತಿ

ಅಸೂಯೆ ಮೂಡಿಸುವಂತಿದ್ದ ಆ ನಮ್ಮ ಸ್ನೇಹ

ಅತಿಯಾದ ನನ್ನ ಪ್ರೀತಿ ಅಮೃತವ ಕೆಡಿಸಿತೋ 

ವಿಷವಾದ ಘಳಿಗೆ ಗೊತ್ತಿಲ್ಲ ಎನಗೆ,

ಜೀವ ಬೆವೆತ ರೂಪವಿನ್ನೂ ಕಣ್ಕಟ್ಟಿದೆ; 

ಎರಡಷ್ಟೇ ಕಹಿ ನುಡಿ ಸಾಕಾಯ್ತು, ಒಂದಷ್ಟೇ ಅವಿಶ್ವಾಸ

ಬದುಕೊಳು ನಿಜ ಪ್ರೇಮಿಗೂ ನಾನಷ್ಟು ಪ್ರೀತಿಯನ್ನೀಯ್ವೆನೋ ಕಾಣೆ

ಅವಳೆನಗೆ ಅಚ್ಚು ಮೆಚ್ಚು ನನಗೋ ಅವಳೆಂದರೆ ಬಲು ಹುಚ್ಚು

ಎಲ್ಲಿಂದೆಲ್ಲಿಗೋ ಹಾರುವ ಹಕ್ಕಿಯಾಗುತಲಿದ್ದೆ ಅವಳ ಕಾಣಲು

ಇಂದು ನೆನಪಾಗಿದ್ದಳು ಸಿಟಿ ಬಸ್ಸಿನ ಪ್ರಯಾಣದೊಳು 

ನಮ್ಮಂತ ಜೋಡಿ ಸ್ನೇಹಿತೆಯರ ಕಂಡು

ಜೊತೆ ಕಳೆದ, ಜೊತೆ ಹರಟಿದ ಹೊತ್ತು

ಕಾಡಿದ್ದು ನಿಜವೇ ಆ ನನ್ನ ಗೆಳತಿಯ ನೆನಪು....

ಚಿತ್ರ ಕೃಪೆ; ಅಂತರ್ಜಾಲ

20/02/2014