ಸಾಲುಗಳವು ಅರ್ಥಪೂರ್ಣ 

ಭಾವಗಳ ಆಳಕ್ಕಿಳಿದಾಗ,

ಆದರೆ ಕಳೆದು ಹೋಗುವ ಭಯ

ಮತ್ತೆ ಹಿಂದಿರುಗದಿದ್ದರೆ 

ಸಿಲುಕಿ ನಿಮ್ಮರ್ಥದೊಳು... 

***

ವಿರಹವನೂ ಅರಳಿಸುವ ಕಲೆ ಇದ್ದರೆ 

ಬಹುಶಃ ಪ್ರೇಮಿಯಾದವರೇ; 

ವಿರಹಕ್ಕೂ ಪ್ರೀತಿಯಾಗುವಂತೆ

ಮತ್ತೂ ಪ್ರೀತಿಸುವವರೇ!!...

***

ಹಗಲ ಬಿಸಿಲ ಬೇಗೆಯ ಮರೆಸೋ

ಈ ಸಂಜೆಯ ತಂಗಾಳಿ 

ಹಿತವಾಗಿ ರಮಿಸಿರಲು

ಮನದಲ್ಲೊಂದು ಮಳೆ ಹಾಡು

ಮೈಮರೆತು ಗುನುಗೊ 

ಬಲು ರೋಚಕವೀ ಕ್ಷಣಗಳು

ಉಲ್ಲಾಸದೀ ಉನ್ಮಾದದೊಳು 

ಬೇಡಿದ್ದ ಕೊಡುವ ಕರ್ಣನಾದೇನೆನುತ

ವಹಿಸಿ ಮೌನ, 

ಸಂಭ್ರಮಿಸುತ್ತಿರುವೆ ಈ ಏಕಾಂತವ!!

17/02/2014