ಪ್ರೀತಿಯ ಭ್ರಮೆಯಾಗಿಸಲು ಅದೆಷ್ಟು ನಮೂನೆಗಳು?!!

ನನ್ನದೂ ಹಟವೇ ಭರ್ತಿ ನಿಜವಾಗಿಸಲು..!

***

ಹೆಣ್ಮನದೊಳು

ಒಮ್ಮೆಲೆ

ಪ್ರೀತಿ ಒರತೆಯನ್ನುಕ್ಕಿಸುವ

ಗಂಡಿನ ಪ್ರಯತ್ನವದು

ಪ್ರೀತಿಯೋ

ಪಣವೋ

ಛಲವೋ....?!!!

***

ಕೆಲ ಸಾಲುಗಳು ಅವರವು,

ಕನ್ನಡಿ ಹಿಡಿದಂತಾಗಿ

ಅರಿವಿಲ್ಲದೆ ಹುಡುಕಿಕೊಳ್ಳುತ್ತೇವೆ

ನಮ್ಮನೇ ನಾವು,

ಅದಕ್ಕೆ ನಾ ಹೆದರುತ್ತೇನೆ

ಕನ್ನಡಿಗಳಿಗೆ...

***

ನೀನು ಬಯಸಿದಂತೆ

ನಾನೂ ಬಯಸಿದ್ದು

ನನ್ನ ಸ್ವಾರ್ಥವೆನ್ನುವೆಯಾದರೆ

ನಾ ಆಜನ್ಮ ಸ್ವಾರ್ಥಿಯಾಗಲು

ಬಯಸುತ್ತೇನೆ

***

ಯಾರೋ ತೂರುವರು

ಮತ್ಯಾರೋ ತುಳಿಯುವರು

ಸೆಳೆಯಲು ಬಂದು ಕಳೆಯುವರು

ಏನದು?,,,

ಹಾರುವ ಧೂಳೇ?!

ಮನಸದು ಮೃದುವು

ನಿನ್ನಚ್ಛೆಗೆ

ಆದರೆ ಆದೀತು ಮರಳ ರಾಶಿ

ತೂರುವೆಯಾ? ಕೇರುವೆಯಾ?

ರಾಶಿಯದು ಸುಲಭಕೆ ಕರಗದು....

11/02/2014