ಕವನ

"ಈ ಹೃದಯ"

ಪ್ರೀತಿ ತುಂಬಿದ ಹೃದಯವಿದು

ದ್ವೇಷ, ಅಸೂಯೆ, ಮೋಸ, ಅವಮಾನಗಳ

ತಿರುವಿ ಹಿಂದೆ ಹಾಕಿ ಮುನ್ನೆಡೆವ ದಿಟ್ಟ ಹೃದಯವಿದು

ಪ್ರೀತಿಸಲು ಹೃದಯಬೇಕು ಸರಿಯೆ, 

ಕಳೆದ ಮೇಲೂ ಹೃದಯದೊಳು ಪ್ರೀತಿ ಉಳಿಸಿಕೊಳ್ಳಲು 

ಆತ್ಮ ಗೌರವ ಬೇಕು,,ನಿರ್ವಂಚನೆಯ ಕಾಂತಿಬೇಕು

ಗಾಜಿನಂತಹ ಹೃದಯದ ಮೇಲೆ ಮುಳ್ಳು ಕೆರೆದ ಗೆರೆಗಳಿದ್ದರೂ

ತನ್ನಷ್ಟಕ್ಕೆ ತಾ ಮತ್ತೆ ಮತ್ತೆ ಅರಳುವ ಕೆಸರ ಕಮಲದ ಅಭಿಮಾನಿ,

ಈ ಹೃದಯದ ತೀಕ್ಷ್ಣತೆ, ಪ್ರೀತಿ-ವಿನೋದಗಳಿಗೆ ಬೆರಗಾಗಿವೆ ಆ ಕರಿ ಹೃದಯಗಳು

ಧಾವಂತವಂತೆ ಕೈಜಾರಿದೀ ಮನವ ಹಿಡಿದಿಡಲು,, 

ನಗುವುದೀ ಹೃದಯ ಹೇಡಿಗಳ ತುತಂತ್ರಕೆ,, 

ಮೀರಿದ ಅವರ ಮೈ ಪರಚಿಕೊಳ್ಳುವ ಸ್ಥಿತಿಗೆ 

ನಡೆದುಬಿಟ್ಟ ಮೇಲೆ ಮುನ್ನ ಹಾದಿಗಷ್ಟೇ ಪ್ರಾಮಾಣಿಕವೀ ಹೃದಯ

ಕೊರಗಿದಂತೆ ನರಳಿದಂತೆ ಮತ್ತೆಷ್ಟೇ ಮುಖವಾಡಗಳ ಹೊತ್ತರೂ

ಕಳೆದುಕೊಂಡದ್ದು ಕಳೆದು ಹೋಗಲೇ ಬೇಕಿದೆ

ಕಾಲಕ್ಕೆ ಲೆಕ್ಕಕೊಟ್ಟು, ಮನಸಿಗೆ ಉತ್ತರ ಕೊಟ್ಟು...

28/02/2014