ನಮ್ಮ ನಿರೀಕ್ಷೆಯಂತೆ ನಾವು ಪ್ರೀತಿಸುವವರೆಗೂ
ಯಾರು ನಮ್ಮನ್ನು ನಮ್ಮ ನಿರೀಕ್ಷೆಯಂತೆ
ಪ್ರೀತಿಸಲಾರರು...
*****
ನನ್ನೊಳ ಬೆಳಗೊ ಭಾವದೀಪ್ತಿಗೆ
ನನ್ನ ಕಲ್ಪನೆಗಳೇ ಇಂಧನ
ತುಪ್ಪ ಸುರಿಯಲು
ಉಫ್ ಎಂದೂದಿ ಹುರಿದುಂಬಿಸಲು
ಇದ್ದಾರೆ ಆಗೊಮ್ಮೆ ಈಗೊಮ್ಮೆ
ನನ್ನವೇ ಪ್ರತಿಬಿಂಬಗಳು
ನನ್ನೂಳ ಹಲವು.......
****
ಎನ್ನ
ಬೊಗಸೆಯೊಳ ಪ್ರೀತಿ
ಹರಡಿತ್ತು
ನಿನ್ನೆದೆ ಹರವಿನಲಿ
ಕಾರಣ ನಾನಲ್ಲ
ಕೈ ಹಿಡಿದು
ಹಚ್ಚಿಸಿಕೊಂಡವ
ನೀನು
ಅಪರಾಧ ಎನಗಿಲ್ಲ!!
*****
ಸೂರ್ಯನೂ
ದಿಕ್ಕು ಬದಲಿಸುತ್ತಿರುವ...
ಇನ್ನು ಈ ಹುಲು ಮಾನವ
ದಾರಿಯೇ ಬದಲಿಸಿದರೆ
ತಪ್ಪೇನು!?
ಧ್ಯೇಯವೊಂದು ಶುಭ್ರವಾಗಿದ್ದೂಡೆ
ನಡೆವ ಎಂತ ಹೀನ ಹಾದಿಯೂ ತಂತಾನೆ ಹದ....
06/02/2014
No comments:
Post a Comment