ಸುಮ್ಮನೆ ಕಲ್ಪಿಸುತ್ತಿದ್ದೆ ನಿನ್ನನು

ಗೊತ್ತಿಲ್ಲದ ನಿನ್ನ ಆಕಾರ

ನನಗೊಂದು ನೆರಳಷ್ಟೇ,

ನನ್ನ ಜೊತೆಗಾರನಾಗಿ

ಹಾಗೇ ನೆನಸಿದಾಗೆಲ್ಲಾ

ಒಂದು ಹೊಸ ಕಲ್ಪನೆ ಗರಿ ಮೂಡುವುದು

ಮೈಮನವೆಲ್ಲಾ ಪುಳಕ,

ಸಂಭಾಷಣೆಗಳಿಗೇನು ಕಡಿಮೆಯಿಲ್ಲ 

ನನ್ನ ನಿನ್ನ ಪ್ರೇಮಕೆ,

ಈಗೀಗ ಭಯವಾಗಿದೆ ನನಗೆ

ನಿಸ್ಸಂಕೋಚದಿ ಕನವರಿಸಿದ

ನನ್ನ ಕನಸಿನ ಮಾತುಗಳ

ನೀ ಆಲಿಸಿ ಅರಿಯುತ್ತಿರುವೆಯೆಂದು

ಈಗಲಾದರೂ ಹೇಳಿಬಿಡು ಎಲ್ಲಿರುವೆಯೆಂದು

ಹುಡುಕಿಬಿಡುವೆ ಕ್ಷಣ ಮಾತ್ರದಿ ನಿನ್ನ ನಾನಿಂದು!! 

31/01/2014