ಇಂದು ಬೆಳಗಾಗೆದ್ದು
ಹೊರಟಿದ್ದೆ ಶಾಲೆಗೆಂದು,
ಕಲ್ಲಿಲ್ಲದ ದಾರಿಯೊಳು 
ಯಾವ ಮಾಯೆಯೊಳು ಎಡವಿದೆನೋ
ಬಿದ್ದಿದ್ದೆ ನೆಲ ಮೇಲೆ, 
ಹಾಗೆಯೇ ಚಿಂತನೆಯಿಂದಲೂ,,,

ಕ್ಷಣಾರ್ಧದೊಳು ಎಷ್ಟು ವ್ಯತ್ಯಾಸ!!
ತುಸು ಮುಜುಗರ, ಹೆಚ್ಚು ಅವಮಾನ,
ಕೊಂಚ ಬಿಗುಮಾನ ಹಾಗೂ ಮೊಂಡತನ
ಮನದೊಳಗೆ ತಾಂಡವ,,,

ಹಾಗೆಯೇ ಮಲಗಿರುವಾಗಲೇ
ಆಶ್ಚರ್ಯವೆಂಬಂತೆ ತೇಲಿದ ಮುಗುಳ್ನಗೆ!!
"ಬಿಡು ಮೀಸೆ ಮಣ್ಣಾಗಲಿಲ್ಲ" ಎಂಬ ಧೋರಣೆಯೋ?!
ಸರಿ ಎದ್ದು ನಿಂತೆ
ಒಮ್ಮೆಲೆ ಉನ್ಮಾದದಂತೆ ನಗು,,
"ಅಯ್ಯೋ ನನಗೆ ಮೀಸೆಯೇ ಇಲ್ಲ!!!"...... 

12/02/2014