ಈ ನಡುವಿನ ಮೌನ ಗೊಡೆಗಳ ಭೇದಿಸಲು

ಮೌನದಿ ಕಿವಿ ಆನಿಸಿರುವೆ ಗೊಡೆಗಳಿಗೆ

ಅಸ್ಪಷ್ಟ ನಿನ್ನ ಪಿಸುಮಾತುಗಳಲಿ

ಕಂಡ ನಲಿವೆಷ್ಟೋ, ಕಾಣದ ನೋವೆಷ್ಟೋ

ಮೀರಿದ ಒಲವೆಷ್ಟೋ,,

ಅರಿತಷ್ಟೂ ನಾನೂ ಮೌನಿ, ಮತ್ತೊಮ್ಮೆ ದ್ಯಾನಿ

ನಿನ್ನಂತೆ ಶಬ್ದಗಳಲಿ ಹಿಡಿದಿಡಲಾರೆ

ನನ್ನೆಲ್ಲಾ ಭಾವಗಳು,

ನೀನೇ ಅರ್ಥೈಸಿಕೊಳ್ಳಬೇಕಿದೆ ನನ್ನೆಲ್ಲಾ ಆಡದ ಮಾತುಗಳ....

****

ಯಾವುದನ್ನು ಎದುರುಗೊಳ್ಳಲು

ಹೆದರುತ್ತೇವೊ

ಅದನ್ನೇ ಅರಸಿ

ಹೆದರಿಸುವಂತಾಗುತ್ತದೆ 

ಬಯಸಿ ತುಸು, ಬಯಸದೆ ಹೆಚ್ಚು 

01/02/2014

*****************

ನಿನ್ನ ರಮಿಸಲು ನನ್ನಲ್ಲಿ ಪದಗಳಿಲ್ಲ

ಮೂಕ ಪ್ರಾಣಿಯಂತೆ ಮುದ್ದಿಸಿಬಿಡಲೇ?!

ಕೇಳಿದಳು ಸೂರ್ಯಕಾಂತಿ ತನ್ನ ಸೂರ್ಯನನು

ದೂರವಿದ್ದರೂ ಪ್ರೀತಿಗೆ ಅಂಕೆಯಿಲ್ಲದೆ 

ಭಾವಪರವಶಳಾದಂತೆ!

***

ನನ್ನ 

ಹುಚ್ಚು 

ಕನವರಿಕೆಗಳಿಗೆ 

ಕಡಿವಾಣ

ನಿನ್ನ 

ಮೌನ!

31/01/2014