ನೀಲ ಶುಭ್ರ ಆಕಾಶದೊಳೆನ್ನ 

ಬೆಳ್ಳೆ ರೇಖೆಯೇ ನೀನು

ಇದ್ದಂತೆ ಹೊಳೆಹೊಳೆದು

ಮಾಯವಾಗುವ ಆತಂಕದೊಳೆನ್ನ ಇರಿಸಿ

ನಸುನಗುವಂತೆ ಮತ್ತಷ್ಟು ಹೊಳೆವೆ

ಮೊನಚಾಗಿ ಮೌನದಿ ಕಣ್ಣ ಕೊರೆವೆ

ನೀ ಕಂಡಷ್ಟೂ ಹೊತ್ತು ನಲಿವೆ

ನೀ ಮರೆಯಾದ ಮೇಲೂ ಮೆರೆವೆ

ನನ್ನೊಳ ನಾನೊಂದು ಕವನ

ಬಾನ ಮೇಲೇರಿ ಹಾರುತ 

ನಿನ್ನ ಮತ್ತೊಮ್ಮೆ ಅದರೊಳು ಅರಸುತ..

ಶುಭ್ರ ನೀಲಿ ಬಾಂದಳದೊಳು 

ಬಂದ ನೀನೂ ಅಚ್ಚಾಗಿರುವೆ ಚಿತ್ರವಾಗಿ

ಎನ್ನ ಕಣ್ಣೆವೆಗಳಲಿ ಕವನಗಳಲಿ.. :-)

ಚಿತ್ರ ಕೃಪೆ; ಉಪೆಂದ್ರ ಪ್ರಭು 

ದಿವ್ಯ ಆಂಜನಪ್ಪ

06/02/2014