ಕವನ

ಕೆಲವು ಪ್ರಶ್ನೆಗಳಿಗೆ ಉತ್ತರವಿಲ್ಲ

ಉತ್ತರವಿರುವ ಪ್ರಶ್ನೆಗಳಾವುವು?

ಅವುಗಳನ್ನೇ ಕೇಳಿದರಾಯ್ತು

ಕೇಳಲೇಬೇಕಾದಲ್ಲಿ... 

ಸುಮ್ಮನೆ

ಕೇಳುವ ಚಟಕ್ಕೆ,,,

ಪ್ರಶ್ನೆಗಳೇ ಹೀಗೆ ಉದ್ಭವಿಸುವವು

ಹೆಚ್ಚು ಗುಮಾನಿಗಳಲೇ,,

ತಿಳಿಯುವ ಹಂಬಲಕ್ಕಿಂತ

ಕೆಣಕುವ ಕುಹುಕವೇ ಹೆಚ್ಚು

ಜೀವನ ಬಂದಂತೆ ಜೀವಿಸಲು

ನಾ ಸಿದ್ಧಳಾಗಿರಲು

ಜೀವನದೆದುರು ನನಗೇಕೋ

ಈಗ ಪ್ರಶ್ನೆಗಳಿಲ್ಲ

ಏನಿದ್ದರೂ ಅದು ನನ್ನೊಳು

ಸ್ವಾಗತಾರ್ಹ!

ನಿಭಾಯಿಸುವ ಛಲ ನನ್ನ

ಬೆನ್ನಿಗಂಟಿದಂತೆನಿಸಿ

ಬಂಡತನ ಬಾಳಲೆದ್ದು!!

15/02/2014