ಆಕಸ್ಮಿಕವಾಗಿ 

ದಿನದ ಕೊನೆಯಲ್ಲಿ

ನನ್ನೀ ಹೃದಯ ಭಾರವೆನಿಸಿದರೆ,

ನೀ ನನಗಿಂತ ಮೊದಲೇ ಮಲಗಿ 

ನಿದಿರೆಗೆ ಜಾರಿರುವೆ

ಎಂದರ್ಥ!! 

***

ಕೆಲವರು ಹುಟ್ಟು ಹೋರಾಟಗಾರರು

ಕೆಲವರದು ಬದುಕೇ ಹೋರಾಟ!

ಮೊದಲಲ್ಲೆ ನಿನ್ನ ಕಂಡರೆ

ಎರಡನೇಯದರಲ್ಲಿ ನನ್ನೇ ಇಟ್ಟು ಬರೆದೆ...

***

ಪ್ರಾಸ ಹುಡುಕಿದೆ

ಪ್ರೀತಿ ಸಿಕ್ಕಿತು

ಛಂದಸ್ಸು ಅಲಂಕಾರಗಳ ಹಂಗಿಲ್ಲದೆ

ಲೇಖನ ನಾಣ್ನುಡಿಗಳೆಲ್ಲಾ

ಕವನಗಳಾದವು

ಒಲುಮೆಯೊಂದನ್ನೇ

ತುಂಬಿಕೊಂಡು..

***

ಕವಿ ಕಣ್ಣೀರಿಟ್ಟು ಬರೆದ ಕವಿತೆಯು

ಮೆಚ್ಚುಗೆಯ ಕಂಬನಿಯಾದರೂ

ಕವಿತೆಯ ಕಣ್ಗಳು ಕವಿಯೊಳು

ಗಹಗಹಿಸಿ ನಕ್ಕಿತ್ತು!

09/02/2014