ತೇಲುವ ಚಂದಿರನ ತಂಪು

ದಣಿದ ಕಣ್ಗಳ ನಿದಿರೆಯ ಜೊಂಪು

ಜೊತೆಗೆ ನಿನ್ನ ನೆನಪು!!

***

ತಂಗಾಳಿ 

ಸವಿಯಲು

ಬೇಗೆಯು 

ಕಾಡಿರಬೇಕು

***

ಪ್ರೀತಿ ಕನಸಲಿ ಬಂದು

ಹೇಳಿತು 

ನೀನೊಂದು

ಪೆದ್ದು;

ಅದಕೆ ನಾ ಕೊಟ್ಟೆ

ಪ್ರೀತಿಲಿ 

ಒಂದು ಗುದ್ದು 

***

ಸೊಂಪಾದ ನೆನಪುಗಳ ರಾಶಿಯಲಿ

ನಿನ್ನ ಬಿಂಕವೇ ಹೆಚ್ಚು ಎದ್ದು ಕಾಣುವುದು

***

ಮನವರಳಿದ ಸದ್ದು

ಹೂವರಳಿದ ಸದ್ದಿಗೂ

ಕ್ಷೀಣ!

***

ಮನಸ್ಸಿನ 

ವಯಸ್ಸಿಗನುಗುಣವಾಗಿ 

ಸಪ್ಪೆ ಎನಿಸಿದ ಕಾವ್ಯವೂ 

ಮುಂದೊಮ್ಮೆ ರುಚಿಸುವಂತೆ

ಒಬ್ಬ ಕೃತಿಕಾರ 

ಅದೇ ಪೀಳಿಗೆಯ 

ಗೆಲ್ಲಲೇಬೇಕೆಂದಿಲ್ಲ!

***

ಮುಗಿಲಿದ್ದಷ್ಟೂ ಹರಡಿಕೊಳ್ಳದು ಮೇಘವು

ಹಾಗೇಯೇ ಮನದ ಹರವಿನೊಳ ಪ್ರೀತಿ

ಎಲ್ಲೋ ಮನದ ಮೂಲೆಯೊಂದೆಡೆ ಕಾಡಬೇಕು ನೀರವತೆ!

14/11/2013