ನೆಮ್ಮದಿಯೂ 

ಉಸಿರಾಡಲಿ

ನಮ್ಮಂತೆ

ನಮ್ಮೊಳಗೆ 

***

ನಂಬಿಕೆ ಎಂಬುದು ಸಹಜ

ನಾ ನಂಬಿದ್ದೇನೆ,

ಆದರೆ ನಂಬಿಸಲಾರೆ

ನಂಬಿಕೆ, ನಿನ್ನ ಕ್ರಿಯೆಯಾದಾಗ

ಅದು ನನಗೂ ಇಷ್ಟ!

***

ನಿನ್ನದೊಂದು ಮಾತು

ನನ್ನೊಳ ನೂರು

ಪ್ರತಿಧ್ವನಿ !!

***

ತಿಳಿಯದ ಮರೆಯಲಿ

ಒಲವಿನ ಕೋಪ

ಅರಿಯದ ಮನದಲಿ 

ಪಶ್ಚಾತಾಪ!

ಎಲ್ಲವೂ ಸರಿಯಿದೆ

ಎನಿಸುತ್ತಲೇ

ಕಸಿವಿಸಿಯಲಿ ನಿಂದೆ 

ಮತ್ತೆ, ನಿನ್ನ ಮೌನದಿಂದಲೇ !!

***

ಕವನವನ್ನು ಕವನವನ್ನಾಗಿ ಓದಿ

ಎಲ್ಲರಂತೆ ಚಪ್ಪಾಳೆ ತಟ್ಟುವಂತ್ತಿದ್ದಿದ್ದರೆ ಚೆನ್ನಿತ್ತು

ಭಾವದಾಳಕ್ಕಿಳಿಯದೆ ನಿನ್ನನ್ನೋದುವ ಯತ್ನವಿಲ್ಲದೆ

***

ಸಾವಿನ ಸಾಲಿನಲ್ಲಿ

ನಿಂತಿದ್ದರೂ

ಕೊನೆಯಲ್ಲಿರುವೆನೆಲ್ಲಾ

ಎಂಬುದು ಬದುಕಿಸಿತ್ತು!!

24/11/2013