ಕಲ್ಪನೆಗಳು ಹೆಚ್ಚಾದಂತೆ

ಕವಿಯಾದ;

ಅದರೊಳು ಸುಳ್ಳೇ ತುಂಬುತ್ತಿದ್ದಂತೆ

ನಿಜ ಪ್ರೇಮಿಯಾದ! 

***

ಮಳೆಯಲಿ ನೆನೆದ ತನುವು

ಮೊಳೆಕೆ ಹೊಡೆದದ್ದು ಹೃದಯದಲಿ

ಮಳೆಹನಿಗಳ ಗುರುತುಗಳಾಗಿ

ನಿನ್ನ ನೆನಪಿನ ಹನಿಗಳಾಗಿ

***

ಈ ಕಣ್ಣೋಲೆ ಗರಿಗಳ ಮೇಲೆ 

ಬರೆದ ನಿನ್ಹೆಸರ

ನಾನೋದಲೇ 

ನಿನ್ನ ಕಣ್ಣೆವೆಗಳೊಳಗೆ?!

***

ಮುನಿದವರಿಗೂ

ನಾನೊಂದು ನೆನಪು

ಮುನಿದಿದ್ದ ಕಾಲಾವಧಿಯೊಳಗೆ!

***

ಮೂರು ದಿನಗಳ 

ಬಿಸಿಲಿನ ಜಳಕ್ಕೆ ಸೋತು, 

ಹಿತವಾದ ನೆರಳು-ತಂಪನ್ನು

ಬೇಡಿದ್ದು ನಿಜವೇ, 

ಇಂದು ವರುಣನೊಲಿದು

ಜಡಿ ಮಳೆಯಲಿ ನೆನೆದು 

ಮಾಡಬೇಕಾಯ್ತು ಗಣತಿ ಕಾರ್ಯ

ಏನಾದರೂ ಸರಿಯೇ, 

ಮನಸಾರೆ ಬೇಡಿದ್ದು; 

ಬೇಡಿದ್ದಕ್ಕಿಂತ 

ಹೆಚ್ಚೇ ದೊರೆಯುವುದಂತು ನಿಜವೇ.. ! 

***

ನನ್ನ ಮಾತನ್ನಾಲಿಸಿದ ಮಾತ್ರಕ್ಕೆ

ನನ್ನ ಭಾವ ಕದಿಯಲಾರಿರಿ!

ಮಾತಿನೊಳ ಭಾವ, ಭಾವದೊಳ ಮಾತು

ಅರ್ಥವಾದರೂ ನನ್ನಂತೆ ನೀವಲ್ಲ

ನನ್ನ ಬದುಕಿಗೆ ನನ್ನಷ್ಟು ಹತ್ತಿರದವರ್ಯಾರು ಇಲ್ಲ! 

16/11/2013