ಈ ಮಳೆ,,, ಚಳಿ,,,

ಇವೆಲ್ಲಾ ನಿನ್ನ ಹಾಡುಗಳು,

ಒಮ್ಮೊಮ್ಮೆ ನಾನೂ ಗುನುಗುವೆನಷ್ಟೇ

ನಿನ್ನ ನೆನಪಲಿ!

***

ಸೋತ ಮನಕೆ ಬೇಕು

ಮಡಿಲು

ಇಲ್ಲವೇ ಪ್ರೇಮಿಯ

ಹೆಗಲು

***

ಏನೆಲ್ಲಾ ಸಿಹಿ ತಿಂಡಿಗಳ ತಿಂದರೂ

ನನ್ನಜ್ಜ ತಂದು ಕೊಡುತ್ತಿದ್ದ

ಕಡು ಮಣ್ಣಿನ ಬಣ್ಣದ ಬಿಳಿ ಪುಡಿ ಮೆತ್ತಿದ

ಆ ತರ ತರ ಆಕಾರದ ಉಂಡೆಗಳೇ

ಈಗಲೂ ಪ್ರಿಯ ನೆನಪು

ಬಾಯಲ್ಲಿ ನೀರೂರಿಸುವುದು

ಈಗ ನನ್ನಜ್ಜನ ನೆನಪು ನಂದಿನಿ ಪಾರ್ಲರ್ನಲ್ಲಿ

ಧಾರವಾಡ ಪೇಡೆ ಸವಿಯುತಾ...........!

***

ಹೊಳೆಯುವ ಪಾದರಸವು 
ಕ್ರಿಯಾಶೀಲತೆಯಿದ್ದರೂ ಜೀವವಲ್ಲ,
ಜೀವದೊಂದಿಗೆ ಬೆರೆತರೆ ಜೀವವಿಲ್ಲ,
ಆದರೂ ಹೇಳ್ವರು
ಇರಬೇಕು ಪಾದರಸದಂತೆ,
ಭಾವದಂತೆ ಬಾಳ್ವೆ!

18/11/2013