ಅರ್ಥವಾಗದ ಜಗದೊಳು ಅರ್ಥವನ್ನು ಹುಡುಕಿ

ಅರ್ಥೈಸಿಕೊಳ್ಳಲಿಚ್ಛಿಸುವ ಈ ಎನ್ನ ಮನಕ್ಕೆ 

ಅರ್ಥವಾದದ್ದು ಭಾವವಿಲ್ಲದ ಅರ್ಥಕ್ಕಾಗಿ

ವ್ಯರ್ಥವಾದ ಕಾಲವಷ್ಟೇ;

ಇಷ್ಟಾದರೂ ಇನ್ನೂ ಅರ್ಥವಾಗಿಲ್ಲದೀ ಮನಕ್ಕೆ

ಅರ್ಥದೊಳು ಸಿಕ್ಕ ತರ್ಕಗಳ ದಾಳಿಗಳಲಿ ನಿತ್ಯ ವ್ಯಸನಿ

ಒಂದರ್ಥದಲಿ ಅರ್ಥ ಸಿಕ್ಕರೂ ಮತ್ತೊಂದರ್ಥವ ಹುಡುಕುವ ಚಟ

ಆಟ-ಪಾಠಕ್ಕೂ ಮೀರಿದ ಮನದ ಓಟ, ಈ ಅರ್ಥಕ್ಕಾಗಿ

ಈಗ ಬದುಕು ಹೀಗೆ ಕಳೆಯುವ ಲೆಕ್ಕಾಚಾರ,

ಅರ್ಥ ಕಳೆದುಕೊಂಡ 'ಅರ್ಥ'ವಷ್ಟೇ ಕೈಲಿದ್ದಾಗ!

26/11/2013