ಅವನೆದೆಯಲಿ ನನ್ನೆಡೆಗೊಂದು

ನಲುಗದ ಸುಂದರ ಭಾವ

ಬಹುಶಃ ಪ್ರೀತಿಗೂ ಮೀರಿದ್ದು!!

***

ಸುಂದರ ಕನಸುಗಳಲಿ ಕಣ್ಣು ತುಂಬಿತ್ತು ಆ ದಿನ

ಕಣ್ಬಿಡಲಾರದೇ ಮುಳುಗಿದವಳ ಮುಖದಲಿ ಮಂದಸ್ಮಿತ

ನಗುನಗುತಾ ಅತ್ತಿದ್ದು, ಅಳು ಅಳುತಾ ನಕ್ಕಿದ್ದು

ಬಹುಶಃ ಆ ದಿನವೇ ಅವಳ ಜೀವನದಲಿ ಮೊದಲು

ನೆನೆಯಲೂ ಎಂದೆಂದಿಗೂ ರೋಮಾಂಚನವಾ ಕ್ಷಣಗಳು!!

***

ಆತ್ಮವಿಶ್ವಾಸ ಯಾರ ಮನೆಯ ಗಂಟು?

ಅಂದುಕೊಂಡರೆ ನನ್ನದೇ;

ಇಲ್ಲದಿದ್ದರೆ ಅವರಿವರ ಭಾಷಣದ 'ನಾನು'

ನಮ್ಮೆದುರಿಗಿನ ಅವರ 'ಅಹಂ',

***

ನನ್ನದೆಲ್ಲಾ ಭ್ರಮೆಯೇ ಎಂದೆನಿಸಿದಾಕ್ಷಣದಿಂದ

ಜೀವನವು ಅಲ್ಲಿಂದಲೇ ಪ್ರಾರಂಭಿಸುವುದು ಕೊನೆಗೊಳ್ಳಲು

***

ನಿನಗೆ ಕುಹುಕವಾಡಿ

ನನಗೆ ಸುಖವುಂಟೇ?!

ಹುಡುಕದಿರು ನಿನ್ನನು

ನನ್ನ ವಿಷಾದದ ಮಾತುಗಳಲಿ

ಸಂತಸಗಳಲ್ಲಷ್ಟೇ ಕಾಣಬಯಸುವೆ ನಿನ್ನನು

ಮರೆತಿರುವೆ ನಿನ್ನ, ನನ್ನ ವಿಷಾದಗಳಲಿ

***

ಹಾಗೇ ಸುಮ್ಮನೆ .... :-)

ಕೋಪವಿದ್ದಾಗಲೂ 

ಪ್ರೀತಿ ಇರುತ್ತೆ;

ಆದರೆ ಸ್ವಲ್ಪ 

ಬಿಸಿ ಇರುತ್ತೆ 

***

ಮಾತಲಿ ಕೆಣಕಿ ಛಲ ಹುಟ್ಟಿಸಬೇಡ

ತಿಳಿದೂ ನನ್ನರ್ಧ ಕ್ರಿಯೆ ನೀನೆಂದು!

***

ಬದುಕಿನ ವೇಗಕ್ಕೆ ಹೊಂದಿಕೊಳ್ಳದ ಹೊರತು

ಆಯ ತಪ್ಪಿ ಹಿಂದೆ ಬಿದ್ದ ನೋವಿನ ಮೂಟೆಗಳಾಗಿಬಿಡುತ್ತೇವೆ

ಬಾಳ ಹಾದಿಯಲಿ! 

12/11/2013 :-)