ಸುರಿದ ಮಳೆಗೆ ಮೈ ಮರೆತು

ಮನದಣಿಯೇ ನೆನೆದು

ಅರಳಿದ ಮನವು ಮುದುಡಿದ್ದು

ನಗರ ಪ್ರದೇಶದ ಆಮ್ಲಮಳೆಗೆ ಬೆದರಿ!! 

***

ಮುದ್ದು ಮುದ್ದು ಮಕ್ಕಳು 

ಮುದ್ದಿಸಿಕೊಳ್ಳಲು 

ಹೆಚ್ಚೇ ಬೀಗುವರು

***

ಮುಳ್ಳುಗಳ ಮೊನೆ ತಾಗದ ಹೊರತು

ಹೂ ಪಕಳೆಗಳ ಮೃದುತ್ವ ಮುದ ನೀಡದು!,

ಕಹಿಗಳು ಬೇಕು, ಸಿಹಿ ಅರಿಯಲು,

ಮತ್ತೂ ಸವಿಯಲು,,,

ಜೀವನವೀಗ ಹೆಚ್ಚೇ ಸ್ಫೂರ್ತಿದಾಯಕ

ಭಾವಾನುಭವಗಳ ರಸಗಳರಿತ ಮೇಲೆ! 

***

ನಮ್ಮ ಪ್ರಶಂಸೆಗಳನ್ನೂ

ಮುಳ್ಳಂತೆ ಭಾವಿಸುವಾಗ

ಮಾಡಿದೆಲ್ಲವೂ ಅಪರಾಧವೇ,

ಇನ್ನಾದರೂ ನಿಲ್ಲಲಾರೆ 

ನಾ

ಅಪರಾಧಿಯಾಗಿ!!

***

ಬರೆದದ್ದೆಲ್ಲಾ ಅಳಿಸಲೆಂದೇ ಎಂದಿದ್ದರೆ

ಬರೆಯುತ್ತಿರಲಿಲ್ಲವೆನೋ

ನೆನಪುಗಳೂ ಹೀಗೆಯೇ ಎಂದಿದ್ದರೆ

ಘಟಿಸುತ್ತಿರಲಿಲ್ಲವೆನೋ!

27/11/2013