ಚಂದಿರ

ರಂಗಮಂದಿರದೊಳು ಚಂದಿರ ವಿರಾಜಿಸಿದ್ದಾನೆ

ಕನ್ನೆಯರ ಕೆನ್ನೆಯಿಂದಿಳಿದು

ಕಣ್ಮಣಿಗಳ ಕಣ್ತಪ್ಪಿಸಿ 

ಊರ ಹೊರಗೆಲ್ಲೋ ಮಂದಿರದೊಳು

ಕಣ್ಮುಚ್ಚಿ ಮೈಮರೆತ್ತಿದ್ದಾನೆ

ಕಳ್ಳ ಚಂದಿರನ ಹುಡುಕದಿರುವಳೇ ನಾನು

ಇಗೋ ನೋಡಿ ಹಿಡಿದು ತಂದೆ

ರಂಗಮಂದಿರದ ಗಾಳಿ ಸೋಕಿ

ಇವನದೂ ಒಂದು ನಿದ್ರಿಸುವ ಅಭಿನಯವಂತೆ

ನಾ ಹುಡುಕಿ ಬರಲೆಂದು,

ಅವನ ನಿರೀಕ್ಷೆಯೇ ಹಾದಿ ಎನಗೆಂದು ತಿಳಿದೂ

ಕಾಡುವನು ಕಣ್ಮರೆಯಾಗಿ 

ಸಿಕ್ಕಿ ಬಿದ್ದನೀಗ ನೋಡಿ

ರಂಗಮಂದಿರದೊಳು ಚಂದಿರ ವಿರಾಜಿಸಿದ್ದಾನೆ

ಕಾದು ನನಗಾಗಿ

ಚಿತ್ರ ಕೃಪೆ; ಅಂತರ್ಜಾಲ

09/01/2014