ಬದುಕಲು ಶುರುವಿಟ್ಟೆನೀಗ

ನಿನ್ನ ಮನವನರಿತು, 

ಅರಸಿ ಬಂದ ನನಗೆ 

ಅದರೊಳು ನನ್ನ ನೀ ತೆರೆದಿಟ್ಟಾಗ!

***

ಪ್ರತೀ ಅವಮಾನಗಳ ಕೊನೆ ಕ್ಷಣಗಳು

ನಗುವಿನೊಂದಿಗೆ ನಿಲ್ಲುವಾಗ

ನನಗೆ ನಾ ಪರಕೀಯಳಾಗಿ

ಅವಮಾನಗಳ ಪರವಹಿಸುವ ನಾನು

ಕೆಲವೊಮ್ಮೆ ನಾನೇ ಅಲ್ಲದ ನಾನು,

ಆ ಕ್ಷಣವ ಮೀರುವುದೇ ನನಗೊಂದು ಪರೀಕ್ಷೆ

ದಾಟಿ ಮುನ್ನೆಡೆದ ಮೇಲೆ 

ಎಲ್ಲಾ ಎಲ್ಲೆಗಳ ಮೀರಿ ನಡೆಸೋ ನಾನೇ ನನ್ನ ಸಾರಥಿ!

***

ನೀ ನನ್ನೊಳ ಕನಸ ಪತ್ತೆ ಹಚ್ಚಲೆಂದು

ನಾ ನಿನಗಾಗಿ ಮಾತು ಹರಿಸಿದೆ,

ಭಾವಗಳಂಕೆ ಮೀರಿದೆ,

ಹಗಲು ಮರೆತರೂ 

ನಿನ್ನ ಕೈಯೊಳಿಟ್ಟೆ ರಾತ್ರಿಗಳ ನಿದಿರೆಯ!

***

ಕೆಲವು ಅರ್ಥವಾಗಬಾರದು

ಅರ್ಥವಾದದ್ದು ಮತ್ತೆ ಅರ್ಥೈಸಿ ಒರೆ ಹಚ್ಚಲು ಹೋಗಬಾರದು

ಅರ್ಥವಾಗದಕ್ಕೆ ಕೊರಗಿ ಕೂರಬಾರದು

ಅರ್ಥವಾದದ್ದ ಬಿಟ್ಟುಕೊಡಬಾರದು!

10/01/2014