ಕವನ

ಕಳೆದೆ

ಕಳೆದಿರುಳು ಹುಡುಕಿದ್ದೆ ಕಳೆದ ಭಾವಗಳ

ಸಿಗಲಿಲ್ಲ ಒಂದೂ ಎಲ್ಲವೂ ಸಿಕ್ಕು ಸಿಕ್ಕು 

ಗೋಜಲೊಳು ಮತ್ತೂ ಗೋಜಲು

ತಪದಂತೆ ತಪನಗಳ ಹೊಯ್ದಾಟವೆದ್ದು

ನಾನಲ್ಲದೀ ನಾನು ಹುಡುಕಿದ್ದೆ ನನ್ನೊಳಗಿನ ನಾನು!

ಎಷ್ಟು ಕನಸುಗಳ ಕೊಂದೆನೋ ಕಳೆದೊಂದು ಭಾವ

ಎಷ್ಟು ದಿನದ ನನ್ನ ಶ್ರಮವೊ ಹದಗೊಂಡ ಮನವು

ಕ್ಷಣಾರ್ಧದೊಳು ಕಳೆದಿದ್ದೆ ಒಂದೇ ಬಾರಿಗೆ ಭಾವುಕ ಶಿಖರವನ್ನೇರಿ

ಬುದ್ದಿ ಎಚ್ಚರಿಸಿದರೂ ಮನವು ಭಾವುಕ ಕಳೆದೇ ಹೋಯಿತು ಚಿರ ವಿರಹಿಯಾಗಿ

ಇನ್ನೇಲ್ಲಿ ಹುಡುಕಲಿ ಸಿಗದಿದ್ದ ನನ್ನ ಭಾವ

ಬಿಟ್ಟುಬಿಟ್ಟೆ ಅಲ್ಲೇ, ಕಳೆದಲ್ಲೇ.. 

ಜೊತೆಗೆ ಕಳುಹಿಸಿಬಿಟ್ಟೇ ಈ ಮನವನು ಅದರೊಟ್ಟಿಗೆ

ನಿಶ್ಚಿಂತೆ ನನಗಿನ್ನು ಕಳೆದ ಭಾವ ಕೊಟ್ಟ ಮನ ನನ್ನದಲ್ಲ

ಪಡೆದವನ ಜವಾಬ್ದಾರಿ ಅದನ್ನವನನೆಂದು ತಿಳಿದರೆ....

ದಿವ್ಯ ಆಂಜನಪ್ಪ

25/01/2014