ಕವನ

ಕನಸು

ಹೆಂಡತಿ ತವರಿಗೆ ಹೋಗಿದ್ದಾಳೆ 

ನನ್ನಿಂದ ದೂರಾಗಿ, ನನಗಿಲ್ಲಿ ಹಸಿವಿಲ್ಲ,

ನನ್ನ ಬಟ್ಟೆಗಳೆಲ್ಲಾ ಕೊಳಕು ಮಾಸಲು,

ರಾತ್ರಿಗಳ ನಿದೆರೆಯೆಲ್ಲಾ ಬರೀ ಕನಸುಗಳು,

ಹೆಂಡತಿ ತವರಿಗೆ ಹೋಗಿದ್ದಾಳೆ,

ಅವಳಪ್ಪನಿಗೆ ಇನ್ನೂ ಬುದ್ದಿ ಬಂದಿಲ್ಲ

ನನ್ನ ಪಾಡೇನೆಂದು ಅರಿಯದ ಮಾವ..

ಅಗೋ!, ಬಂದಳಲ್ಲ ನನ್ನ ಮುದ್ದು ಮುದ್ದು..

ಅದೂ ಅವಳ ಪೆದ್ದು ಅಪ್ಪನೊಂದಿಗೆ,

ಮುದಿ ಮಾವ ಕರೆತಂದನೀಗ 

ಎಂಟು ಮೊಮ್ಮಕ್ಕಳ ಮೊದಲ ಅಜ್ಜಿ...

'ಮನೆಗೆಲಸಕ್ಕೆ ತೊಂದರೆಯಾದೀತು ನಿಮಗೆ

ಇವಳನ್ನಿರಿಕೊಳ್ಳಿ ಬಿಂಕವ ಬಿಟ್ಟು',

ಎಂದೆಲ್ಲಾ ಮಾವ ಹೇಳುವಾಗ

ಹಿಗ್ಗಿ ಬಿಟ್ಟೆನೋ, ಕೆಳಗೆ ಬಿದ್ದೆನೋ ಕನಸ್ಸಿಂದೀಗ

ನಿದ್ದೆ ಓಡಿತು ಕಣ್ಬಿಟ್ಟಾಗ,

ಇಲ್ಲ ಅವಳೀಗ, ನನ್ನ ಹಳೆಯ ಹೆಂಡತಿ, 

ನನ್ನೈದು ಮಕ್ಕಳ ತಾಯಿ,,

ಕನಸಲ್ಲೀಗ ಬದುಕಿ ಬಂದಿದ್ದಾಳೆ, 

ಅದೂ ಅವಳ ಮುದಿ ಅಪ್ಪನೊಂದಿಗೆ ರಾಜಿಗಾಗಿ,

ಅಂದು ಅವಳ ಮರ್ಜಿಯಿಲ್ಲದೇ ಬಾರದೂರಿಗೆ ಹೋದವಳು

ಇಂದು ಬಂದಾಳೆಂದರೆ ಇರಬಹುದು ನನಗೂ ಅರಳು ಮರಳು!!

DA

23/01/2014