ಚಿತ್ರಕ್ಕಾಗಿ ಹುಡುಕುತ್ತಿದ್ದೆ
ನಿನ್ನ ಪತ್ರ ಸಿಕ್ಕಿತು
ಎತ್ತಿಟ್ಟೆ, ನಕ್ಕಿತು
ತಿಳಿಯದೆ ತುಟಿ ರೇಖೆ ವಕ್ರವಾಯಿತು
ಪತ್ರದ ಮಾತುಗಳೊಮ್ಮೆ ಕುಕ್ಕಿತು
ತನ್ನ ಕೋಪ ಹತಾಶೆಗಳಿಂದ,
ಕಾಲದ ಜೊತೆಗೆ ಅಕ್ಷರಗಳೂ ಬೆಳೆವುದೇನೋ
ಭಾವಗಳೊಂದಿಗೆ;
ಅಚ್ಚಳಿಯದೆ ಉಳಿದಿದೆ ಮನದಲಿ
ಆ ನಿನ್ನ ಆಕ್ರೋಶಗಳು
ಕಳೆದದ್ದು ಪ್ರೀತಿಯೋ ನಿನ್ನ ಅಸಹನೆಯೋ ತಿಳಿಯೇ ನಾ
ಪತ್ರವಿಲ್ಲ ಎನ್ನ ಕೈಯೊಳೀಗ
ಬರೀ ನಿನ್ನ ನಿಟ್ಟುಸಿರ ಬೇಗೆಗಳಷ್ಟೇ
07/01/2014
No comments:
Post a Comment