ಕವಿ ಮನದೊಳ ಅವಳು

ಕವನ;

ಕವಯತ್ರಿ ಹೃದಯದೊಳ ಅವನು

ಸದಾ ಕದನ;

ಕವನ ನಿಲ್ಲದೆ ಹರಿವುದು 

ಅವಳನ್ನರಸಿ

ಕದನ ನಿಲ್ಲದೆ ನಡೆವುದು 

ಇಲ್ಲದ ಅವನನ್ನುಳಿಸಿ!

***

ಮುತ್ತುಗಳು ಅಡಗಿವೆಯಂತೆ 

ಕಡಲಾಳದೊಳು,

ಕೇಳಿದ್ದೆ;

ಹಾಗೆಯೇ

ಇವನೊಲವಾಳದೊಳು..

ಜಾರುತ್ತಿರುವೆ ರಭಸದಿ

ಅವನೊಳು 

ಕಳೆದು ಹೋಗಲು.....

***

ಆದ ತಪ್ಪುಗಳನ್ನೇ ವಾದಿಸುವ ಬದಲು 

ಸರಿಪಡಿಸಲು ಗೆಲ್ಲೋಣವೇ 

ಪರಸ್ಪರ ಮನಸುಗಳನು ಮತ್ತೊಮ್ಮೆ 

***

ಕನಸು ಬೀಳಲೆಂದು ಆಶಿಸದಿರಿ,

ಬೀಳುವ ಕನಸುಗಳಲ್ಲ ನನ್ನದು

ಬೆಳಗುವ ಕನಸುಗಳು,

ಇಚ್ಛೆಯಂತೆ ಹೆಣೆವೆನು ಹಗಲುಗಳಲಿ

ಉಳಿಸಿ ರಾತ್ರಿಗಳ, 

ನಿದಿರೆಗಾಗಿ,,

20/01/2014