ಕವನ

ಕಪ್ಪು ಆಗಸ

ಖಾಲಿ ಕಪ್ಪು ಆಗಸಕ್ಕೆ

ಬೆಳ್ಳನೆಯ ಚುಕ್ಕಿಗಳನ್ನಂಟಿಸಿದಂತೆ

ಮಿನುಗಿ ಮೆರೆಯಾಗೊ

ಕನಸುಗಳು

ಹಾದಿಯುದ್ದಕ್ಕೂ ಹರಡಿದೆ

ಈ ಕಪ್ಪಡರಿದ ಜೀವನಕೆ

ಕಪ್ಪಾದ ಕಾರಣಕೆ

ಮಿನುಗಿದಂತೆ ಕನಸುಗಳು

ಮರೆಯಾಗುವುದು ಮತ್ತೂ

ಕಪ್ಪು ತುಂಬುವುದಕೆ

ಆಗಸಕ್ಕಾದರೂ ಅಂತ್ಯವಿಲ್ಲ

ಮನಸಿಗೂ ಈಗ ಅದೇ ಭ್ರಮೆಯೇ

ಹಗಲು ಹಾರಾಡಿ ರಾತ್ರಿ ಚುಕ್ಕಿ ನೆನಸಿ

ಕನಸಿ ಹೊಸೆದು ಬಗೆ ಬಗೆಯ ಖಾದ್ಯ ಸಾಲು

ಸಂತಸವದೆ ಮಿನುಗಿದಷ್ಟು ಹೊತ್ತು

ಕಪ್ಪಿದ್ದಷ್ಟು ಕನಸು

ಬೆಳಕ ಬಯಸುವ ಪ್ರತೀ ಹಗಲು

ಕಾಳರಾತ್ರಿ ಕಪ್ಪನ್ನೊಮ್ಮೆ ಕನಸಾಗಿಸಿಯೇ ನಡೆದಂತೆ!

28/02/2015