ಸಂಗೀತದ ಸೆಲೆಗಳೋ

ನನ್ನೆದೆ ಕಡಲ ಕಲಕೋ

ಅಲೆಗಳೋ

ಸೋತಿವೆ ಕಣ್ಗಳು

ಮನವೂ

ಎಲ್ಲಿ ನಿಂತೆನೋ?!

ಎಲ್ಲೋ ಸೇರಬೇಕಿದ್ದ

ಈ ಹಡಗು..

ದ್ವೀಪದೊಳು ಸಿಕ್ಕಿಕೊಂಡೆನೋ

ಇಲ್ಲ ದಡವಿರದ

ಪ್ರವಾಹದೊಳೊ..?!

ಈಜುವುದ ಅದು ಹೇಗೋ

ಕಲಿಸಿಬಿಟ್ಟ ದೇವ,

ಗುರಿ ಕಾಣಿಸದೆ,

ಇನ್ನಿಲ್ಲದ ಅನುಭವಗಳ ಪಡೆಯದ ಹೊರತು

ಕೈ ಹಿಡಿದು 

ಕಾಪಾಡೆನು ಎಂದೇ

ಹಟ ಹಿಡಿದು ನಿಂತ

ಕಾಣದೂರಿನಲಿ!

*****

ಮೊದಲನೇಯದಾಗಿ

ಹೆಣ್ಣು ಕಾಮಕ್ಕೆ ದಕ್ಕಬೇಕು

ಮಿಕ್ಕಂತೆ ಅವಳ ಯೋಗ್ಯತೆ ಎಲ್ಲಾ

ಗೌಣ!

ಅವಳೆದುರು ಗಂಡು ಎನ್ನುವುದೊಂದೇ 

ಇವರ ಪ್ರಾಮುಖ್ಯತೆ

ಅವಳಿಗೆ ಗಂಡು ಎನ್ನುವುದಕ್ಕಿಂತ

ಮತ್ತಿನ್ನೇನೋ ಅತೀಶಯಗಳ

ಹುಡುಕಾಟವಿರುತ್ತದೆ

ಅದರಿಯದೇ

ಎದುರು ನಿಲ್ಲೋ ಜನಕೇ

ಅವಳೇ ನಾಯಕ!

*****

ಅದೆಷ್ಟು ಅಗೆದಗೆದು

ಹೊರಗೆಳೆಯಬೇಕೋ

ಈ ಮನದ ಹೂಳು

ಹೊರ ಬಿದ್ದ ಮಣ್ಣೆಲ್ಲಾ

ಸುಂದರವೆಂದ ಆ ಮನಗಳೇ

ಶ್ರೇಷ್ಠ ಒಲವುಗಳು

31/01/2015