ಕವನ

(ಮಕ್ಕಳ ಪದ್ಯ)

''ಪುಟ್ಟ ಹಕ್ಕಿ''

ಪುಟ್ಟ ಹಕ್ಕಿ ಮರಿಯೇ

ನೀ ಚೀವ್ ಚೀವ್ ಎನ್ನತ ಬಾರೆ

ಅಮ್ಮನಿಗೆ ನಾ ಹೇಳಿರುವೆ

ದಿನವೂ ನಿನಗಿಡುಲು ನೀರ ಅರಿವೆ

ಬಾರೆ ಗಿಳಿಯೇ, ಬಾರೇ ನವಿಲೇ

ನನ್ನೊಡನಾಡಲು ಅಳಗುಳಿಮನೆಯೇ

ಚಕ್ಕುಲಿ, ಕೋಡುಬಳೆ, ಪಾಯಸ, ಸಜ್ಜಿಗೆ

ನಿನಗೆಂದೇ ನಾ ಎತ್ತಿಟ್ಟಿರುವೆ

ಆಗಸವೇರುವ ನಾವೀಗ

ಅಮ್ಮನ ಕಣ್ತಪ್ಪಿಸಿ ಬೇಗ ಬೇಗ

ಸೂರ್ಯನಿಗೊಂದು ಐಸ್ ಕ್ಯಾಂಡಿ ಕೊಟ್ಟು

ಚಂದ್ರನಿಗೊಂದು ಬಿಸಿ ಕಾಫಿ ಕುಡಿಸಿ

ಓಡಿ ಬಂದುಬಿಡುವ ಧರೆಗೆ

ಬಾ ಬಾ ಹಕ್ಕಿ ಮರಿಯೇ,

ನನ್ನಯ ಕನಸಿನ ಕುಡಿಯೇ

ಚೀವ್ ಚೀವ್ ಎನ್ನುತ ಕಚಗುಳಿ ಇಡುವ

ಬಾರೆ ನನ್ನ ಪ್ರೀತಿಯ ಗೆಳತಿಯೇ

- ದಿವ್ಯ ಆಂಜನಪ್ಪ

೦೯/೧೧/೨೦೧೪