ಕವನ

"ಪ್ರೀತಿ"

ಪ್ರೀತಿ

ಎನ್ನುವುದು ಸಂಭ್ರಮವೇ 

ಆದರೆ

ನಾನಾಗಲೇ ಪ್ರೀತಿಯಲ್ಲಿರುವೆ

ಪ್ರೀತಿ ಧ್ಯಾನವೇ ಆದರೆ

ನಾನಾಗಲೇ ಯೋಗಿ 

ಗೋಜಲುಗಳಲಿ!

ಪ್ರೀತಿ ಮೋಹವೇ ಆದರೆ

ಬದುಕೆಂದರೆ ಬಹು ಮೋಹ

ನಾನಾಗಲೇ ಬದುಕಿನ ಕೈವಶ!

ಪ್ರೀತಿ ಕಾಮವೇ ಆದರೆ

ದಿನಕ್ಕೊಂದು ರಮ್ಯಗೀತೆಯೊಳು 

ತೇಲಿ ಹೋದ ಪಾರಿಜಾತದ

ಘಮಲು ಈ ಮನವು!

ಪ್ರೀತಿ ಭರವಸೆಯೇ ಆದರೆ

ನಗುವಿನ ಮೇಲೆ ನನಗಾಗಲೇ

ಪ್ರೀತಿಯಾಗಿದೆ!

ಪ್ರೀತಿ ತ್ಯಾಗವೇ ಆದರೆ

ಎಲ್ಲವನೂ ಹೊತ್ತೊಯ್ಯಲಿ

ಹುಟ್ಟಿ ಹಾಕುವ ಕಲೆ ಗೊತ್ತು

ಮತ್ತೆ ಮತ್ತೆ ..

ಬಿಟ್ಟುಕೊಡುವೆ ಎಲ್ಲವ!

ಪ್ರೀತಿ ನೀನೇ ಆದರೆ

ನಾನಾಗಲೇ ನನ್ನ ಹೆಸರ ಮರೆತಿರುವೆ

ನಾಮಕರಣ ಮಾಡಿಬಿಡು ಹೊಸ ಹುಟ್ಟಿಗೆ! ......

13/02/2015