ಕವನ

ಪ್ರೇಮಿಗೊಂದು ಸರಳ ಪತ್ರ! 

ಒಲವಿನ ಪತ್ರವನು ಬರೆದು

ಕಳುಹಿಸಿರುವೆ ಹುಡುಗ

ತಲುಪಿದ ತಕ್ಷಣ ಬಂದುಬಿಡು

ಕ್ಷಮಿಸು ವಿಳಾಸವೇ ಇಲ್ಲ ಅದರಲ್ಲಿ

ನಿನ್ನದು!

ತಲುಪಿದರು ತಲುಪಬಹುದು

ಮನ್ನಿಸಿಬಿಡು ನನ್ನೆಲ್ಲಾ ತಪ್ಪುಗಳ

ಪತ್ರ ಬಂದ ದಾರಿಯನೇ ಹಿಡಿದು

ಬರುವುದಾದರೆ ನಾನಲ್ಲಿಯೇ ನಿಂತೆ

ಈ ಪತ್ರಕ್ಕೆ ದಿನಾಂಕದ ಗಡುವಿಲ್ಲ

ತಡವಾಯಿತೆಂದು ಆತಂಕವೂ ಬೇಡ

ಎಂದು ನೀ ಬಂದರೂ ಸರಿಯೇ

ಆದರೆ ನೀನೇ ಬರಬೇಕು...

ಭಾರಿ ಮೊಸ ಕಂಡಿರುವೆ ಗೆಳೆಯ

ನಿಮ್ಮಂತೆ ಅವನ ತಂದರು ಎಲ್ಲಾ

ನಾಚಿ ಕರಗಿ ನೋಡಲೇ ಇಲ್ಲ ನಾ

ನೀನಲ್ಲದೆ ಅವನ, ಮತ್ತೊಮ್ಮೆ ಕ್ಷಮೆಯಿರಲಿ!..

ತೇಲಿ ಬರುವುದೊ, ಹಾರಿ-ಜಿಗಿದೊ

ಈ ಪತ್ರ;

ಒಪ್ಪಿ ಅಪ್ಪಿಕೊಂಡುಬಿಡು ಸಂದೇಶವ

ಇಂದಲ್ಲ; ಮನಸು ಕಣ್ತೆರೆದ ದಿನದಿಂದಲೂ

ನಿರೀಕ್ಷೆಯಿದೆ ನಿನ್ನದೇ...

ಅದ್ಯಾವ ರೂಪದೊಳು ಅವತರಿಸುವೆಯೋ

ಹುಡುಕಾಟವಿದೆ ನಿನ್ನದೇ, ಹೌದು ನಿರ್ಮಲ ಪ್ರೇಮದ್ದೇ!

14/02/2015