ಪದ್ಯ

ಸ್ಪಂದನ

ನಿನ್ನ ವದನ

ಉಸಿರುಗಟ್ಟಿ ಸತ್ತ ಭಾವ ಭರವಸೆಗಳೆಲ್ಲಾ 

ಜೀವದೊಳು 'ಜೀವಂತ'.. 

ಪ್ರೇರಣ

ಮೆಚ್ಚುಗೆಯ ನಿನ್ನ ಒಂದು ನೋಟ

ಸುರಿವ ಮಳೆಯಲಿ

ಮೋಡದ ಮೇಲೋಡುವ 'ಹದ್ದು' ಈ ಮನಸ್ಸು

ಸಾಂತ್ವನ

ಸ್ನೇಹ ಪ್ರೀತಿಯ ಸವರಿದ ನಿನ್ನ ಕೈ

ಸಂಜೆ ಸೊಬಗ ಹೊತ್ತಂತೆ ಈ ಕೆನ್ನೆ ಕೆಂಪು

ಮಗುವಿನ 'ಮುಗ್ಧತೆ'ಯ ಮೊಗವು

ಪ್ರೇಮ

ನಿನ್ನ ಒಂದು ದಳದ ಸ್ಪರ್ಷಕೆ

ನನ್ನಿಡೀ ಜೀವಮಾನ ಕಮಲದ ಕೊಳ

ಈಜುತ್ತಲೇ ಉಳಿದು 'ದಡ' ಸೇರದಂತಹ ದಣಿವು..

ಯೌವ್ವನ

ನಿನ್ನ ಒಂದು ಕಿರುನಗೆಯ ಬೆಂಕಿ

ನಿರಂತರ ತಾಪವನ್ನೀಯುವ ಸೂರ್ಯ

ಹಗಲಿರುಳು ಈ 'ಭಾವ ಜೀವ'ಕೆ...

12/11/2015