ಪದ್ಯ

ಪದ

ನನ್ನೊಂದಿಗೆ ನಾ 

ಕುಗ್ಗಿ ಮಾತನಾಡುವಾಗ

ನೀನು ಆಸರೆ ನೀಡಿದೆ 'ಪದ್ಯ'ವೇ

ಕೈ ಬಿಡದಿರು ಇನ್ನು 

ನನ್ನಿಂದ ನಾನೇ ಕಳೆದಂತೆ..

ಕಣ್ಣು ನೀನು ಕಿವಿಯೂ

ಮೂಕಿಗೆ ಮಾತು

ಶಬ್ದಕೆ ಪ್ರಾಸವು

ಮೌನಕೆ ಮಧುರ ರಾಗವು

ನಿದಿರೆಗೆ ಕನಸು

ಹಗಲಿಗೆ ಆಲೋಚನೆಯು

ಬಯಲಾಗಿ ನಿಂತಾಗ

ತಂಗಾಳಿ ಆಲಾಪನೆಯೂ ನೀನು..

ನನ್ನ ಬೆನ್ನಿಗೆ ಕಾಣದ ಹಸ್ತವೂ

ಅಪ್ಪನಷ್ಟೇ ಧೈರ್ಯವೂ 

ಅಮ್ಮನಂತಾ ಮಮತೆವೂ

ಪ್ರೇಮಿಯಂತ ರಸಿಕನು ನೀನು..

ಒಲಿಯದಿದ್ದರೂ ಮುನಿಯದಿರು

ಜೊತೆಗಿದ್ದು ರಮಿಸು

ಜೀವನಕೆ ನಂಟಾಗಿ

ಆತ್ಮಕ್ಕೆ ಚೇತನವಾಗಿ ನಿಲ್ಲು ನೀ ಪದವೇ...!

07/11/2015