ಪದ್ಯ

ಮಧುಶಾಲೆ.. 

ನಿಶೆಯಲಿ ನಶೆಯೇರಿಸೋ

ಅವನ ಕಣ್ಗಳೇ ನನ್ನ ಪ್ರಿಯ ಮಧುಶಾಲೆ

ಕುಡಿದಷ್ಟೂ ಕುಡಿಸೋ ಮೋಹ ಅವನದು

ನಿಶೆ ಕರಗಿದರೂ ನಶೆಯುಳಿಸಿ

ಹಗಲಿಗೆ ದೂಡುತ್ತಾನೆ

ಮಧುರವಾಗಿ ಮಧು ತುಂಬಿ 

ತುಟಿ ಬಟ್ಟಲುಗಳಲಿ.. 

ಈ ಮಧುಶಾಲೆಯಲಿ 

ಕಣ್ಣೀರಿಗೂ ಮತ್ತೇರಿಸೋ ಹಟವಿದೆ

ಅಮಲಲಿ ಹೊರಳಾಡಿ 

ಕಣ್ಣ ರೆಪ್ಪೆಗಳುಣಿಸೋ ಸೋಜಿಗವು 

ಪ್ರತಿದಿನವೂ ಹೊಸತನ

ಮಧುಶಾಲೆ ಕಣ್ಣೊಳಗೆ 

ತೆರೆದಿದೆ ನನಗಾಗಿಯೇ 

ಈ ಮಬ್ಬಿಗೂ ಮುಂದಿನ ಅನೇಕ ಕತ್ತಲೆಗೂ

ಮರುಳೆಂದರೂ ಈ ಮಧುಶಾಲೆಯ ದಾಸಳು ನಾನು

28/10/2015