ಪದ್ಯ

ಎದೆಗಪ್ಪಿ ಮುದ್ದಿಟ್ಟು

ತಡವುತಿದ್ದ ಒಲವೇ

ದೂರ ನಿಂತು ಹಗಲು

ಅದೇಕೋ

ಎದೆ ಖಾಲಿ ಖಾಲಿ..

ನಿನ್ನುಸಿರ ತುಂಬು ಬಾ 

ರಾತ್ರಿ ಕನಸಿಗೆ

ಕತ್ತಲೊಳಗೆ ಸಣ್ಣ ಕಿಡಿ ಹೊತ್ತಿಸಿ

ಬೆಳಗಿ ಕಣ್ಣ ಕಾಂತಿ;

ಉಸಿರುಗಟ್ಟಿ ಬೆಂಕಿ ಬೆಳಕಾಗಿ 

ಬೆಂಕಿಯುಸಿರ ಆ ತಂಗಾಳಿ

ಸುಳಿದು ಮನವು ಮೆದುವು

ಹವೆಯೊಳಗೆ ನಿಶೆ ಮೂಡಿ 

ವಿರಹಕ್ಕೊಂದು ವಿರಾಮ

ಈ ಇರುಳಿಗೆ ಸುಮ್ಮನೆ ನೆನಪಿಗೆ 

ನಕ್ಷತ್ರಗಳೆಣಿಸುವ ಕೆಲಸ... 

ದೂರದ ಬೆಂಕಿ ಸಣ್ಣಗೆ ಕಂಪನ

ಮಿಂಚಿ ಮರೆಯಾಗಿ ಕಾಡುವ ವಿನೂತನ

ಎದೆಗಪ್ಪಿ ಮುದ್ದಿಟ್ಟು

ತಡವಿದೆ ಈ ನನ್ನ ಕೈಗಳು

ನಿನ್ನದೇ ನಿನ್ನೆದೆ

ಆ ಅದೇ ಮಾತುಗಳ

ತುಂಟಾಟಗಳ ಸವಿ ಸವಿ ನೆನಪು...!

19/10/2015