ಪದ್ಯ

ಮೌನ

ಸಿಟ್ಟು ನೆತ್ತಿಗೇರಿ

ನಿಂದನೆಯ ಅಪಮಾನವೆಣಿಸಿ

ದೂರದೇ ದೂರಾಗಿ

ಮೌನಗಳು ನಿಂತಿವೆ

ಮಾತಿನ ಬಾಗಿಲ ಎಡ ಬಲ... 

ನುಣುಪು ಕೆನ್ನೆ

ಚೂಪು ಮೂಗು

ಕೆಪ್ಪಗೆ ಹೊಳೆದು 

ಕನ್ನಡಕವು ಹಬೆಯಾಗಿ

ಬುಸಗುಟ್ಟಿದ್ದ ಕೋಪ

ಅಂದಿನ ಅಂದಗಳದು

ಮೊದಲೇ ಚಿಲಕವಿಲ್ಲದ ಬಾಗಿಲು

ಮೊದಲು ತಟ್ಟುವವರ್ಯಾರೋ

ಕೀಲಿ ಕೈಗೆ ತಡಕಾಡದೆ 

ಕೆಂಪಾರಿದ ನಿಮ್ಮ

ಮೂಗು ತೂರಿಸಿ ಮಾತೊಳಗೆ..

ಬಾಗಿಲಿಗೆ ತೋರಣ ಕಟ್ಟುವ... 

ನಿಂದನೆ ಅಪಮಾನಗಳ

ಈ ನಡುವೆ ಅರ್ಥ ಕಳೆದು

ಹೊಸ ದಾರಿಯ ಹೊಸ ಅರ್ಥಗಳಲಿ

ಬೆರೆತ ಸತ್ಯ ಬಹುಶಃ

ಮಾತನಾಡಿಸಬಹುದು ಮನಸ ಮೌನಗಳ....

06/11/2015