ಕವನ

ಉತ್ತರಗಳ ಗುಲಾಮಳಲ್ಲ!

ಎಷ್ಟು ಕಾತುರ ಆತುರಗಳ ನಂತರವೂ

ಮತ್ತೂ ಉಳಿವ ಪ್ರಶ್ನೆಗಳು

ಎಷ್ಟೆಂದು ಉತ್ತರಿಸಿಕೊಳ್ಳಲಿ

ಪ್ರಶ್ನಿಸುವ ಹಕ್ಕೇ ಇಲ್ಲ

ನಾನು ಉತ್ತರಗಳ ಗುಲಾಮಳಲ್ಲ!

ಆರಿಸಿಕೊಂಡ ಉತ್ತರ 

ಬಹು ದಿನಗಳ ಬೇಡಿಕೊಂಡ ಅನೇಕ ಪ್ರಶ್ನೆಗಳ ಕೀಲಿ ಕೈ

ಉತ್ತರಗಳ ಹಿಂದೆ ಬಿದ್ದು

ಪ್ರಶ್ನೆಗಳ ಹುಟ್ಟು ಹಾಕಲಾರೆ

ಬದುಕು ಕೇಳೋ ಪ್ರಶ್ನೆಗಳಿಗೆ

ನಾನಿನ್ನೂ ಉತ್ತರವಿತ್ತಿಲ್ಲ

ಪ್ರಶ್ನೆಗಳನ್ನೇ ದಿನನಿತ್ಯ ಎದುರುಕೊಂಡು!

ಪಾಸಾದ ಅನೇಕ ಪರೀಕ್ಷೆಗಳಲೆಲ್ಲೂ

ಇರಲಿಲ್ಲ ನನ್ನ ಪ್ರಶ್ನೆಗಳ ಉತ್ತರ!

ಅಲ್ಲೆಲ್ಲಾ ಪ್ರಶ್ನೆಗಳೇ ಇದ್ದವು

ಉತ್ತರಿಸಿದ್ದು ಮಾತ್ರ ನನ್ನ ಪ್ರಶ್ನೆಗಳೇ

ಗೊಂದಲಗಳ ದಾರಿ ಹಿಡಿದು ಹೋದಂತೆ

ಮಾನಸಿಕ ಲೆಕ್ಕಾಚಾರ ಬಿಡಿಸುವ ಪ್ರೌಢಮೆ

ನನಗಿದು ಇನ್ನೂ ಆಶ್ಚರ್ಯ!

ಪ್ರಶ್ನಿಸುವ ಸಾಮರ್ಥ್ಯವೇ ಇಲ್ಲದಂತಾದೆ

ಉತ್ತರಗಳನ್ನೂ ಬಯಸದಾದೆ

ತೇಲಿಕೊಂಡು ಹೋದಂತೆ ದೋಣಿ

ಆಳದ ಅರಿವಿಲ್ಲದೆ; ಸಾಗಿದ ದೂರದ ಲೆಕ್ಕವಿಲ್ಲದೆ

ಮನಗಳಲೊಮ್ಮೆ ಉಳಿವ ಆಸೆಗಳಿಗೆ

ಉಳಿವೆ ನಾ ಪ್ರಶ್ನೆಗಳ ಮರೆತು 

ಯೋಚಿಸಿ ಬದುಕು ಕೇಳುವ ಪ್ರಶ್ನೆಗಳ ಕುರಿತು!

04/07/2015