ಕವನ

ಕನಸುಗಳು..

ನಿದ್ದೆಯನೇ ಹತ್ತಿರ ಬರಗೊಡದು

ಈ ಕನಸುಗಳು

ದಿನವಿಡೀ ಹೊತ್ತಿ ಉರಿದು

ರಾತ್ರಿ ಸಣ್ಣಗೆ ಮಿಣುಕು

ಎಂದಿಗೂ ತಂಪಾಗದ ಮಳೆಯ ಮಿಂಚು

ಸಂಜೆಯ ಮಂದ ಮುಂಬೆಳಕು

ತಂಗಾಳಿ ಬೆನ್ನತ್ತಿ

ಜೊತೆ ನೀ ಬೆಂಕಿ ಚಳಿ

ದಿಗ್ಗನೆ ದೇದೀಪ್ಯಮಾನ

ನನ್ನ ಬಲಗೈ ಹಿಡಿದು

ನೀ ತುಟಿಯೊತ್ತಿ ಕೊಟ್ಟ ಹೂ ಮುತ್ತು..!

ಕಾಮನಬಿಲ್ಲಿನ ಬಾವಿಯೊಳು

ಬಾಗಿ ಬಾಗಿ ನಾ ನೋಡಿ ಹಿಡಿದು

ಅನೇಕ ಚಿತ್ರ ಚರಿತ್ರೆಗಳು

ಹಾರುವ ಹಕ್ಕಿಗಳು

ತಲೆಗೂದೋ ಹಸಿರುಗೊಂಚಲು

ಕರೆವ ಮೋಡವ ಕಂಡೆ ಆ ಕ್ಷಣ ನಿನ್ನ ಕಣ್ಣೊಳು..!

19/07/2015