ಕವನ

ನಿನ್ನ ಕೈ ಹಿಡಿದು..

ಏಕೋ ಈ ದಿನ

ನಿನ್ನ ಕೈ ಹಿಡಿದು

ಕೂರಬೇಕೆನಿಸಿದೆ

ಮಾತು ಬೇಡ

ನಿನ್ನ 

ಬೆರಳೊಳಗಾಡಬೇಕೆನಿಸಿದೆ

ಮುತ್ತು ಬೇಡ

ಮುಷ್ಟಿಯೊಳು ಮುಚ್ಚಿಟ್ಟು

ಕೈರೇಖೆಗಳ ಓದಬೇಕಿದೆ

ಕಣ್ಣೊಂದಿಷ್ಟು ದೊಡ್ಡದು ಮಾಡಿಕೊ

ಕತ್ತಲೆಯೊಳು 

ನನ್ನೊಳು ನಿನ್ನ ನೀ ಕಾಣಬೇಕಿದೆ

ಮತ್ತಷ್ಟು ದೂರ ನಡೆದುಬಿಡು

ಹೀಗೆ ಕೈ ಹಿಡಿದು; 

ನಮ್ಮ ಹೆಜ್ಜೆಗಳೂ ಪ್ರೀತಿಸಬೇಕಿದೆ

ತಿರುವಲೊಮ್ಮೆ ತಿರುಗಿ ನೋಡಿ ಹೋಗದಿರು

ನಿನ್ನ ಬೆನ್ನಿಗೆ ನನ್ನ ಕೈಗಳಿವೆ 

ಮುಂದೆ ದೀಪದ ಬೆಳಕು ಕರೆದಿದೆ

06/07/2015