ಸವೆದು ಹೋಗಲು

ನಷ್ಟವೆಂದು ಕುಳಿತರೆ

ಗಂಧಕ್ಕೆಲ್ಲಿ ಬೆಲೆ

ಯಾರನೂ ಮುಟ್ಟದೆ

ಮೂಲೆಯೊಳು ಗೆದ್ದಲಿಗೆ...!

*****

ಇಡೀ ಜನ್ಮ ಕಾದಳಂತೆ

ಆಳವಾದ ಸಾಗರ ಬೇಕೆಂದು

ಕೊನೆಗೊಂದು ಸಿಕ್ಕಿತ್ತು ವೃದ್ಧಾಪ್ಯದಲ್ಲಿ

ಸಾಗರ ಆಳವಾಗಿ ಶಾಂತವಾಗಿತ್ತು

ಲವಣಗಳ ತುಂಬಿಕೊಂಡು ವಿಶಾಲವೂ ಇತ್ತು

ಸಾಂದ್ರತೆಯ ಪ್ರಮಾಣವೆಷ್ಟೆಂದರೆ

ಕಾಲಿಟ್ಟರೂ ತೇಲಿದಂತೆ

ನಡೆದಾಡುವಂತಿತ್ತು ;ಅದ್ಭುತವಂತೆ

ಕೊನೆಗೂ ಮೊಣಕಾಲಿಗಿರಲಿ ಧುಮುಕಿದರೂ

ಮೇಲೆಯೇ ತೇಲಿಸಿತ್ತು 

ಸಾಗರ..

ಅಂತೂ ದಷ್ಟವಾಗಿ ನಿರಾಕರಿಸಿತ್ತು...

*****

ಕಣ್ಣೀರ ವ್ಯಸನಕ್ಕೆ

ನಗು ಒಂದು ಅಪಹಾಸ್ಯ

ಒಮ್ಮೊಮ್ಮೆ ಬದುಕಿನೊಳೂ ಆಗಿ... ! 

14/07/2015

******

ಗುರಿಯು ಸದಾ ದೂರವೇ ಉಳಿದಿರಬೇಕು

ಇಲ್ಲವೇ ಹೆಜ್ಜೆಗಳು ಸೋತುಬಿಡುವವು!

*****

ನಮ್ಮದು ಎಂಬುವುದು

ಎಲ್ಲಿಯೂ ಇಲ್ಲ

ನಾನೂ ಇಲ್ಲ ಇಲ್ಲಿ

ಅವರಿಗಾಗಿ ಇವರಿಗಾಗಿ

ನಾವು ಎಲ್ಲರೂ ಆಗಿ

ಯಾರೂ ನಾವಾಗಲೇ ಇಲ್ಲ... !

13/07/2015