ತುಂಟ

ಹುಡುಗ ತುಂಟನಾದರೂ

ಒಳ್ಳೆಯವನೆನ್ನಲು

ನನಗೋ ಸುತ್ತಲಿನ ಗೆಳತಿಯರ

ಆತಂಕವು..

ಅವನ ಪ್ರೇಮ ಪರಿಯ

ಅನುಭವದಲಿ ಪ್ರಪುಲ್ಲ ನನ್ನ ಮನವನೂ

ಬಚ್ಚಿಡುವ ಪ್ರಯತ್ನ ನನ್ನದು

ತೋರಿಕೊಂಡಷ್ಟು ...

ನನ್ನೆಲ್ಲಾ ಆತಂಕಗಳ ಇಳಿಸುವ

ಅವನ ಪ್ರೀತಿಯನು 

ತುಂಬಿಕೊಂಡಷ್ಟೂ ಹಗುರಾಗಿ 

ಮತ್ತೆ ಮತ್ತೆ ಅವನೆದೆಗೆ 

ನಾ ತೇಲಲು...

ಪ್ರೀತಿಯಲಿ ಮನ ತಣಿದು

ಕ್ಲೀಷೆಗಳ ಸರಿಸುತ್ತ ಕಾಂತಿ ಎಂದನವನು 

ಸೂರ್ಯನಾಗಿ

ತಿರುತಿರುಗಿ ನಾ ನಿಂತೆ

ಬಾಗದೆ ಒಲವಿನೆಡೆಗೆ ಹಿಗ್ಗಿ ಮೊಗವು..

12/07/2015